bientot sul' billard

ouais j' le dis pasque si ch' j' dis rin, vous l auriez vu l' semaine prochaine dins voilà, gala , closeure....
minloute i va passer sul' billard, oh ché pas eune opération lourte, j' devro rintrer l' matin et arssortir l' soir, mais quand meme, cha m a pas impéché d' commincher à berloquer d' im ' tiete ch' t aprés midi

alors grand mère ale ramène s' guiffe : ah ché bien ché zommes, djà in train d' busier à l opération, ah zetes pas comme nous, pi zavez jamais accouché vous , savez pas l' douleur que ché


oh que j y réponds, nous savez ché zommes , in est pu fort qu' vous, nous in fait ché gosses et y a des coups y a des ratés , alors in s applique, et pourtant savez pas l' douleur qu' ché pour nous d' faire des zinfants
autant t intinds quéqu' fos des femmes qui ont des accouch'mints douleureux et qu in l' sait , tandis que vous ché femmes, connaissez un seul homme qui a jamais dit nan, et pourtant cha nous coute
mais ché cha , qu' vous comprindrez jamais vous ché garnoules, nous in sait souffrir in silence .....

j' vous dis pas du qu' j' va m' faire opérer , sinan i va cor y avoir des miyers d' bouquets qui vont arriver à l hopitane, des centaines d' journalisses avé leu flaches qui vont cor m accueillir al' sortie, mi , obligé d' met' des leunetes d' solel, et inch' momint ché pas d' saison, et j' va et' obligé aussi pour protéger m' vie privée d' faire un arportache esclusiffe à paris matche avec eune dizaine ed photos....

vlà que j auro pas du l' dire, l' standard du site i a failli explosationner vu l' nompe d' appels qu a archu Marie Claire, "quo ché qu on peut faire pour minloute" " quo qui a ker et que j in y invo", là j avo dit a marie claire, "dis rin sinan j' va d'voir arpartir d' l hopitane avec eune armoque complète d' barres ed toblerone",(savez ché chocolats suisses avec du nougat d' dins, que ché pas bourratif....)
Cha n a pas arrété les zappels ch' te nuit, i n a qui voulotent créer un "minloutathon" , frette qui s occupe d'l' nestricité du site, frette , qu in appelle "mollets d' coq" vu qu à forche ed pédaler pour qu in a l' n estricité, i est musclé comme un ciclisse , bin not' frette i est bin mate ech' matin .......

nan ché nin graffe j vous rassure, pi d' toute facon, mais in peut pas impecher qui a du risque ......

j'veux pon faire esploser ech'standard à marie claire, mais j'passe par ech'site pour savoir si not' minloute nationnal i'est arvénu din ses montanes ! et savoir si ché belles infirmières ont pris soin de li!
j'espère pour li que tout va bien, et que "grand mére" des pyrénées pourra nous donner de ses nouvelles!
i li faudra du repos après les émotions qui a du avoir, et j'i souhaite de tout coeur eune bonne convalescence, pour qui puisse continuer tout duchemint, à nous faire lire ses anectodes sul'site !
bon rétablissemint minloute !