sport ed riche

Quand qu'on passo dans ch' passache qui méno au chateau d' la Buissière, in voyo des gins juer au tennis.
J' vous parle ed cha y a bin 35 ans, bin i zétotent fiers et arrogants ed' derrière ch' grillache.
Grillache pour impécher ché balles d' partir trop loin ou grillache pour faire eune séparation des classes...........

Minloute, cor in coup j'sus pas d'accord avec ti, j'ai jamais vu des gins arrogants su chés courts d'tennis que té parles, ch'étot cheu de l'maison d'ingénieur qui donot'nt su l'route nationale, i s'applot Boël, sin garchon Patrick, ch'étot min camarat' au Lycée et i est mort, i devot avoir 12 ou 13 ans, din in accident. Et j'peux t'dire que ch'étot pas des gins arrogants.

Tout cha ch'étot 14 ans avant t'n'époque, cha devot pas ête l'minme ambiance, j'y passo souvint là et bien avant qu'in abatte l'château in 64, j'veyo des gins qui juot'nt avec inne raquette sans faire d'manière et si té ravisses bien à ch't'époque là, ch'étot cor Labuissière et Labuissière ch'étot pas Bruay, et qui ch'est qui in majorité habitot Labuissière, i avo pas gramint d'ingénieurs, ch'étot
des cinsiers (à m'n'époque) et té veux faire inne lutte ed classes avec des cinsiers ? Là ch'est pu parèle.

Nan mi quand j'étos jone j'ai jamais arsintu d'lutte ed classes à Bruay et pourtant j'avos des copains fils d'ingénieurs, d'porions, d'boucher aussi(Omer) considéré comme des nantis qui allot'nt avec mi à l'école, din l'minme école, à l'école Loubet ou au lycée, j'ai jamais sintu ed'différence intre nous, si, mi j'avos moins d'sous
qu'eux quand j'étos pu grand, mais cha m'a jamais déringé.

Au lieu d'faire du tennis, (j'auros jamais pinsé à cha), j'ai fait du foot, j'ai jué, sans ête payé bien sur, à l'U.S.B (à ch't'heure l'USOBL),

Minloute, n' fais pas comme l'juch' Pascal qui avec l'affaire d'Bruay i a voulu in faire inne lutte d'classes, mi j'ai jamais connu cha.

Noirchi pas l'vie qu'in avot à Bruay, mais p'tète que c'que t'as connu 15 ans après mi ch'étot aut' quosse, i avot pu d'boulot à ch't'époque là, et mi j'ai quitté l'région pour in trouver justemint.

In a p'tète connu les minmes gins cha ch'est sûr, mais pas l'minme Bruay ou alors té l'veyos pas comme mi..