Les jardinsMerlimont sous l 'pleuffe cor
par MINLOUTE le, 08/07/2008bon cha y est in a réussi à passer l' matinée, mais après minger y a rin qui va miu, pire , ch' vint i s' met del partie alors ché parints i sortent l' plan hors sec ......
boite à ju d' bidets, loto, jeu de l' oie, cartes pour juer al' batale mais dès qui a eune tchiote amélioration ,j' veux dire qui pleut plus pindant chinq mineutes......, allez déyors , mais meme si nous in est ché premiers à vouloir sortir, mais vite fait in veut rintrer , pisque ch' sape i est pas parel, i colle a ché godasses, i colle sur ché gampes, pi in peut pas s assire ed sus , y est cor tout fraique.......
et y a pire, l' journée du qui fait que pleuvoir ..............alors là , direction dans l 'après midi, ch' magasin d' la presse, ah ché sur in n est pas les seuls l' dins , mais faut nous zoccuper nous ché jones, alors direction l' corbele savez celle que d'dins y a ché anciens numéros d' liffes qui sont vindus par trois ou quate, bon ché vrai ché nouvelles ale sont pas toutes jones, mais trois ou quate liffes cha permet quand meme ed tenir 2 jours d' pleuffe, avec un tchiot peu d' coloriache, et d' prom'nate jusqu au poste d' surveillance des secouristes, poste qui est freumé , vu qui a pas personne qui iro s' baigner dans eune mer qu ale arsempe a del biere irlandaisse , savez la guinesse, couleur marron et écume au d' sus
