dinch' gardin cor
par minloute le, 08/07/2008ché vrai qu arroser cha faijo plaiji, d' abord chéto amusant d'verser l io, d' intinte l' terre aspirer l' io , et sintir l odeur tout d' suite après d' terre humite , pi faut pas oublier si cha pouvo freuner l' heure pour aller s' couquer , quo ché qu on auro pas fait pour artarder ch' t heure là ......
av' v'no quand meme, meme que si teu traino trop les pieds, pour faire durer ch' plaiji bin seur, bin m' mère ale sorto s' tiete, "ché l heure d aller t' coucher" ah là té savo que té pouvo cor perte un tchiot peu d' temps avec ch' l' arrosoir cor rimpli d io que t avo dins les mains, mais juste aprés l' bras vengeur d' min père i m ' montro direction mason, et là fallo y aller sans perte trop d' temps
bon comme j arrivo facil' mint et cor aujourd hui d ailleurs, à m' salir, cha faijo que j avo dro à eune toilette musclée d' eume mère juste avant d aller m' couquer
nan , ch' meilleux momint quand meme ché quand que min père i avo b'soin d'm i pour eune opération qu ale allo et' vitale pour toute l' suite del' saison du gardin : ch' trachage des routes
nan pas ché routes bitumeuses, nan ché routes ed légueumes d' toutes sortes , chacun à un bout du gardin avec un piquet chacun arlié avec eune fichelle et là i fallo qu in so bin dro, mais là ché eune aut' histoire que j a dja raconté such' site