sur les traces d' min père
par minloute le, 10/07/2008hier j a été marché , eune grante randonnée, 9h30 d' marche , Lou Marcel i sait c' que ch est , eune fo que t a l' rythme, après ché pas si dur qu' cha ; té tiens grace à l endurance et au mental
d' abord hier, j a cru qu in m' avo greffé eune paire ed poumons in plus, comme si j avo comme un sac à cornemusse in plus in d'sous d' mes poumons
cha fait un mo que j a arrété d' finquer, et d' passer d' 50 cigarettes par jour à ...zéro, ché dur , ché très très dur, mais que plaiji asteure d' aller en montane et d' sintir, ouais d' sintir d" zodeurs que j' sinto pu ou que j' in sinto qu eune tchiotte partie
tout douch'mint , ch' corps isse débarasse del cochon'rie que ché l' tabac
que plaiji à chaque pas d' sintir d' zodeurs fortes comme l' ail des montagnes ou le buis , mais aussi d' zodeurs plus subtiles comme simplemint l humidité d un sous bois ...
hier j a fait eune randonnée dans toute eune vallée, monté à un col, arvenu sur mes pas, longé à flanc d' montane, atteinte un col, ardéchinte dins zin chtiot vallon du qui i avo des tchiots lacs, vire ch' panaroma tout autour, arvénir sur mes pas, ardéchinte dans la vallée
mais surtout très symbolique, l' premiere partie del randonnée, jusqu au col , j ' l avo fait avec un groupe en vagances en 1973 et y avo min père, j' me souviens qu ale éto dure ch'te rando, et hier, j l a sintu dure aussi, mais j' su arrivé au sommet , du que j avo l' vision d' min père quand qu on y éto ach' sommet ,l' vision d' sin bonnet sus' tiet, rimpli d' gouttes d io, in éto arrivé au sommet au meme momint qu un nuache ed brouillard
j a donc ché vrai armarché si in peut dire su les traces ed min père 35 ans après .........
avec fierté , j' do vous l avouer , car cha n a pas été pour mi hier eune partie d' plaiji d arriver jusqu au col , mi , 48 ans bintot , habitué al' marche en montane, et j' me dis, bin té vo ch' te randonnée , tin père il l a fait , y avo 62 ans et eune gampe raite
au delà de l admiration ou du respect qu in peut avoir en arpensant à sin père,
j' diro en restant que sul' plan del ' marche, FRANCH'MINT ché pas évident à faire et 35 ans après j y tire min capio en tant que marcheur aguérri ....
ché bin trouvez pas qu in puisse comme cha artrouver d' zémotions , des sentimints , bin plus tard dans la vie .......