déménag'mints ché cartons

quand qu on déménache , in in fait des paquets, et quand in ardéménache 2 ans aprés te t apercoit que t as cor des cartons qui étotent cor freumé d' l ancien déménag'mint , ou alors si té vo cha d un coté optimisse , tet' dit bin ché cartons i sont djà prets pour canger d' barraque

après teu t installe, aprés té comminche à trier, pi té continue à trier, pi té continue à trier , bin sur i faut lutter contre les "cha peut toudis servir" " nan mais j' vo c' qu in peut in faire", pire encore " ché pour les gosses"

ah ché pour les gosses, cha ché eune belle expression et ché là qu in vo l' montane d ingratitute que ché des zinfants

ti t as mis d' coté durant d' z'années des tonnes d' vaisselles récupérées des différents décés del famile, donc t as trente siche assiettes différentes qu ale viennent d' eune paire ed matantes, mais quand qu' té ravisse bin dinch' détal, t as rin d' complet, vu que ti t a récupéré ché grantes assiettes mais ché eune aute tante qu ale a récupéré ché ptites zassiettes , ouais vu qui li in minquo quand qu ale avo du monte al' maison quand qu ale faijo s' tarte au libouli

et ti t as bin tout rangé avec amour, mis dins des cartons , avec des bouts d' journaux autour pour pas qu' cha casse, si teu déménache té va bintot in printe pusse d' soins que chi chéto t' vaisselle personnelle

té r'sacrifie un coin det' barraque, ou d' in grenier, pour intreposer l' montane ed cosses "qui sont pour ché tchiots quand qui vont commincher dans la vie, et qui s'ront bin contints d' récupérer "


ouais , in s' vo djà tout fiers ed pouvoir leu donner ch' patrimoine del famile qu in a veillé d'sus durant tant d années
et là , et là ...................................

t as dro à
"mon dieu ché moche" là teute print cha dins les nifflettes, i t'faut respirer un flacon d ether pour t in r'mette

"in in veut pas d' tes vieilleries"

ti t essaie alors d' dire , nan ché pas si viu qu' cha, ché stylé .........

alors t a dro à ch' type ed réponses que t as in d' sous chi
"ché rococo"
"cha ira pas avec l' déco del mason"
"in a dja acaté "

ou l' pire
"in a djà récupéré eune ménagére complète dans l' aute famile"

commint ! ti t as passé du temps à garder tout cha, quitte à des coups à s ingueuler dinch' couple, et là té vo que l' future belle famile ale a dja placé ses affaires .........

j' sais ché arrivé a pas mal d' gins ......