du coté de chez souane

d' vote infance y a pleins d' chosses qui peuvent vous arvénir, so in ravisant un album photo, so in arvoyant in générique ed film ou d' émission, bienheureux ceux qui ont fait du camescope , pasque meme si cha peut sembler par momint un peu fastidieux cha laisse ed sacrés souv'nirs sonores par la suite, in a l impression d arplonger ainsi dans le passé

quequ' fo ché au détour d' eune allée, d' eune personne, d' un camp , qu eune odeur peut carémint vous surprinte et carèmint vous giffler eune paire d années plus tard , l' parfum d eune garnoule est le meilleur exempe

aut' sensation terripe, aprés celle ed l odorat, ché l' gout

artrouver l' gout d' quéquosse, quéquosse dont selon l expression in avo perdu ch' gout

cha ché terripe, artrouver en bouche , un gout , eune senteur disparue

m' mère ale fait pu à minger , et j' sais qu' sin bouillon jamais pu j in ming'rais ah j pourrais in minger des approchants , ma matante ale in fait aussi des bouillons , in pourro dire bin ché l' meme bouillon nan , mais pas comme chti qu ale faijo m' mère

d' abord in pourro dire que l' coup d' main, l' savoir faire , la touche personnelle , ché difficile a artrouver , vient en plus l' notion subjective, boire ch' bouillon là ale maison d' mes parints, chéto eune signification

y a des coups , faites pas attention et d un seul coup paf cha peut vous artomber d' sus, j' print un exempe
faites me eune salate ed pétotes cautes avec des morciaux d' tomates ed dins et des zeux et là j' m artrouffe directemint en 1972 , face au mont saint michel, sul' terrasse d un restaurant qu in avo eu dro de s' mette à l abri pour minger pasqui pleuvo comme i peut dracher in normandie, chéto l' premiere fo que j' mingeo des tomates avec des pétotes et à chaque coup cha m' le fait

pour in arvenir au savoir faire, Omer i est pu là, et ses saucissons sont pu là aussi , ah in n a mingé d ailleurs, d' autes charcut'ries , des saucissons frais, et meme des fameux , mais JAMAIS JAMAIS in a artrouvé l' meme gout, et l' plus frustrant cha m est arrivé quéqu' fos, ché comme dinch' vin : une entrée en bouche parel, et clac gros momint d' deception in s attind à trouver un s'cond gout derriere et là ché pas l' meme ........

ah mes gins ..............