Coup de coeur, coup de gueule
Les jardinsle passé, le présent , le futur
par minloute le, 17/07/2008nan j va pas vous arfaire un cours sur du qu on vient , qui qu on est , et du qu in va ........ cha s' ro tro questions que si in avo les réponses in auro peur ...........
nan j' m arvo sur les bancs d' l école, à apprinte l' présent, oh teut' dit ché facile, ché cor c'que teut' dit achteure
faut dire que ché verpes du premier groupe qui finissotent in "er" chéto facile
aprés fallo faire ché verpes en "ir" un peu plus compliqué
et alors mes gins i avo des verpes que quand te les conjugo chéto pas évident, rin que l' verbe s assoir , tiens allez zy , prenez eune feule et faites ch' teste
conjuguez me l' verpe s assoir au présent
ah ah j dis cha a ceux qui juent l'jeu, y a d' co faire tourner sin stylo eune paire ed coups in l air avant d' écrire sul' feule ........
allez in continue là j' vous la fait façon BLED , que vicieux ch' Monsieur BLED, si si j' vous jure chéto sin nom et y a existé, que vicieux d' faire des liffes comme cha , que ch' maite l' soir i avo qu a nous dicter , "pour d'main , excercisse 1 2 4 5 pache 19" et que si i sinto un mouv'mint d humeur, i rajoutto 1 voir 2 exercisses
allez in y va
le fermier (s' assoir) sur la paille
le vieil homme (maugréer) tout seul
le troupeau (franchir) le gué
zavez vu rin d' plus facile, que l' présent et pourtant in a tous un tchiot peu voir un peu plus, hésité avant d' trouver c' qu on croit et' la bonne solution
cha permet aussi d' s' armette au niveau de quand qu on uso nos maronnes su ché bancs in bo et de s'dire que chéto pas si facile equ' cha
pour les exercisses , les solutions demain
