l' tour d' france

ch' t année, j avo pas ravisé eune seule étape du tour de france à vélo, aujourd hui j éto mate, j m' a mis sur min lit, j' dis pas que j éto toudis vraimint attentif mais j a quand meme bin ravisé
pourquo que j' raviso pu? ptete aussi que j' me diso "tous pourris , tous dopés" et pi cha fait eune paire d années que sur ch' tour d' france, chti qui est such' podium bin souvint quéqu ' jurs aprés i est déclassé et teut' dit, in n a marre d ete pris pour un babache, in va pu les raviser

mais al' reflexion, ché vraimint l' traval du tour de france qui faut met' en avant , pasque si par exempe i faijottent comme dans d autes tours qui existent ou d autes classiques du qu in est tous moins ravisant sur ch' dopache, cha s 'ro miu pour s' n imache d' marque, i auro toutes les vedettes qui viendrottent such' tour de france, et là in diro ouais toutes ché vedettes ale sont là pour faire ech' spectaque

pour faire ech' spectaque , ché l' mot, pasqu in tourne toudis autour du meme refrain "du pain et des jeux" comme avo dit un des zemp'reurs romains, si té veux la paix avec l' foule té li donne du pain et des jeux

et ché sur que l' union cyclisse internationale ale traine un tchiot peu des pieds pour et' aussi intransigeante que l' tour de france, pasque ché aussi sin gane pain.... et ouais plus y a d' courses, plus y a d' panache, plus y a d' vedettes, plus y a d' héros, plus y a d' argint qui rinte dins ché caisses

a faire moins d' controles pointus, cha permet d avoir toudis eune imache lisse de chte sport

ché sur aussi qu in s occupe pas del' santé des courreurs cyclistes, la mort de Pantani, tout seu dins ' champe cha auro du et' vraimint l aboutiss'mint , l archétype du dopache poussé à l extrème

bin nan, la preuffe y a plein d' cyclistes qui continuent as' doper, in pourro s' dire mais commint qui peuvent comme cha met' in jeu leur vie , pasque faut pas s' voiler la face in n a eune paire ed cyclisses professionnels qui passent pas 60 ans ............ commint aussi i peuffent printe des produits dopants sachant qui a du controle, y a un momint ou j' cro qu in leur in d'minte ed plus en plus et faut toudis et' au top , toudis ramn'er des victoires pour l équipe et quand qu on y ravisse bin y a pas beaucoup d' places meme au niveau mondial dans les zéquipes d' cyclisme

alors faut toudis et' bon, et y a des coups, j' su sur qui n a qui franchissent l' pas pour pouvoir rester dans l' coup
à cause de la concurrence et in attaque à boulets rouches les cyclistes, mais j' su sur que ché tout parel au niveau du football et de bien d autres sports
toujours plus haut , plus loin, plus fort, mais ché pas toudis évident en marchant qu à l io claire , trouvez pas .....

zavez vu que l' tour de france in tout cas s' n imache ale est entachée par les fraudeurs qu elle trouve grace aux controles, si au tour de france i s imbétotent moins avec cha, tout iro miu pour eux, ché un choix qui font , et j espere pour eux que ché l' bon