Les jardinstoudis in concurrence ou en comparaison
par minloute le, 27/07/2008d'puis qu in est tchiot , in est in compétition ou in comparaison
savoir chti qui a l' plus lonque, chti qui pisse l' plus loin, chti qui est premier d' la classe ou alors plus insidieus'mint....
j' m' souviens l' distribution d' crayons d' couleur rouche et bleu savez, ché crayons qui avottent deux pointes , enfin eune d ' chaque coté, j' cro que l' marque chéto baignol et farjon j' cro bin , bin quand que l' maitresse ale distribuo ché crayons , deux par tape , bin chti qui éto au bord , i receptionno les deux crayons et vite fait i les métto dins ' s' main pour vire chti qui éto l' plus pitit et ché chtilale qui donno a son vigin .........
mais cha continue dins la vie, plus belle carette, plus belle mason, plus bio gardin, plus belle rabillure, enfin in est toudis in train des ' comparer, et ché vindeux i zont bin compris cha
tout ch' superflu i d'vient indispensappe, et ché gins i mettent des fortunes ed' dins rin qu' pour "paraite" , faudro pas oublier qui a eune différence entre "paraite" et "vife" , paraite ché pour les zautes qu in l' fait, et viffe ché pour so meme ............
donc in essaye d' viffe , d' paraite un peu moins, j a dis un peu moins pasque cha a du bon aussi de s' comparer , mais faudro pas qu' cha prenne l' pas sul' l' vie , à méditer
