vacances à gardincour

chéto l expression qu in intindo souvint , té va en vacances où ti, bin à gardincour, 15 jours dinch' gardin et 15 jours al' cour

i yavo bin des gins qui partotent en vagances , mais j' sais pas si chéto l' majorité dans les années 60 , franch'mint j' pense point

yavo bin l' centaéré ,
ah l' centaéré, chéto eune enygme pour mi, "centaéré" , cha devo et' un coin du que ché jones i devottent et' rassemblés et qui devo ét' in plein air vu que chéto "aéré" ...
d' autes qui partotent in colonie avec ché mines, et j' me souviens d eune des destinations chéto pitiforphilippe, si cha exizto, j a ravisé sur eune carte mich'pin, si ché du coté d' dunkerque , chéto bin , mais ché jones i zétotent point non plus avé leu parints

y n avo quand meme qui restotent su plache

ch' garchon i prenno ch' vélo du grand et à la rintrée, té pouvo et' sur que li et s' bicyclette i connaissotent l' mointe trou, l' mointe gravier qui y avo sul' route

chéto bin mais chéto long aussi, i fallo en plus éviter d' se faire printe par ech' père , pour faire ech' gardin, ch' gardin cha va deux mineutes mais au bout d un momint ....

rester en vacances à gardincour, cha laisso comme eune drole d impression, quequosse d indéfinissape, quéquosse d injuste, comme si ch' temps i coulo plus long'mint que normal'mint, plus long'mint mais ché pas sur qu in l' apprécio
moins d' monte dins ché rues quand meme, pi l 'odeur des caniveaux à l air lipe que cha sinto fort quand meme, l' odeur del lessiffe mélangée a celle d' l io d' vaisselle .........
chti qui resto i guetto, i savo que telle semaine chti là i allo arvénir, donc cha allo faire un copain d' plus pour juer, par conte s' trouver un préteste eune déstination pasque si l aute i allo arvénir ed vagances i allo ram'ner s' fraisse et pi i auro insister si i savo que TI t éto pas parti en vagances ...
t auro été contint d' l arvire ché sur , mais rapid'mint i t auro énervé , mi j a fais chi mi j a fait cha, j a vu chi j a vu cha, et ti ? bin ti t allo pas dire que t avo armonté et déchindue l' cote d' teut' rue durant 15 jours tro s'maines, alors t allo inventer un court séjour ché eune matante au bord d' la mer, et un séjour vraiment plein du qu' t auro fait aussi plein d' cosses, enfin d' quo pouvoir ti aussi raconter pendant des zeures tes aventures inoubliapes
pi tout douch'mint cha commincho à rintrer, teut' sinto moins sur la touche , in arrivo miu as' fonde avec les zautes, quite ach' momint là à raconter aux derniers que t éto parti tout juillet in vagances, faut dire aprés tros s' maines d' mint'ries sur tes vraies vagances, té commincho à avoir ed l assurance et meme j' diro plus teut' souv'no plus d' tes fausses vagances que l aute ed ses vraies .....

pi, au moins, té pouvo t' consoler, t avo révisé durant deux mo l' premiere dictée que t auro à faire en rintrant à l école "racontez vos vagances"

d' ailleurs j' me souviens à l école, que ch ' sujet i avo été cangé, cha avo été transformé en "rancontez eune journée d' vos vagances ou eune sortie " , ouais cha laisso moins d' jones sul' touche, pasque si fallo co infoncer ch' clou eune fo l école arprisse ....