artour à Bruay cor

ché un rituel, un sujet "marronnier" comme i dissent ché jurnalisses , un sujet marronnier ché un sujet qui arvient régulier'mint chaque année, sujet qui faut traiter mais sans grante nouveauté
comme la rentrée des classes et ché gosses qui braient , la vente du muguet au premier mai, l' soir du réveillon aux champs zélisés ....

j' continue j avo d' l orache ...

ché toudis l' meme rituel , arprinte ech' train gare du nord, traverser l' banyieue pi l' picardie, pi arrivée à Arras

Arras, mais quo qu' ché qui leur a passé d' mette Arras comme préfecture
Arras ché nin pour mi l'représentation du pas d' calais, in tout cas del spécificité del région

Pour mi Arras , ché plus près in esprit d' Bapaume, d' Péronne , enfin d' grantes villes picartes d' la somme que d' villes du pas d' calais, bon in va pas nin faire un fromache quand meme ...

pasque eune fo Arras passé, in est aux zaguets, in sait que cha va arriver, qu in va les vire surgir du paysache, comme des monumints, des monumints presqu in marche , au miyeu d' l' immense plaine ,que seuls ché villaches argroupés autour d un clocher in pointe , serffent ed balisses à ché visiteurs égarés

j' veux bin sur parler d' ché terrils, ah l' premier qu in vo à droite in v'nant d arras ché pas l' plus spectaculaire, i est là pour marquer l' début d' la chaine des terrils, ché un terril long, vous m' direz pas sur qui so cor là l' prochain coup vu que ché terrils longs i sont moins visipes que ché terrils in pointe , et meme si l' végétation ale print l' dessus, comme j' vous diso j' le verrai ptete pas l' prochain coup

cha y est sur la droite, j' les vo, l' vision intrecoupée par les hayures, les vla , ché terrils, ah ché bon sine, savez comme quand qu on va arriver à merlimont et qu in comminche a vire, aprés montreule, ché premieres dunes, in pourro réseumer tout cha par l espression "cha sint bon"

chéto qu eune mise in bouque cha, pasque dins seul coup, ché camps i laissent l' plache aux terrils autour desquels , in grappe, sont accumulés ché corons
autant avant l' révolution industrielle in construisot les masons autour des zéglisses, autant avec l' aven'mint ed la production in masse, in a construit ché masons autour des cent' ed production, ché chevalets ont rivalisé alors avec l' clocher des zéglisses ..........

cha y est dinch' fond, in les vo , ché jumeaux d' loos , cha comminche in plus à sintir l' barraque

lens , bully grenay , bintot arbaptisé "marieclaireciti" si si, pi noeux , pi enfin béthune

béthune , cha marque la fin des mines such' te tronçon d' ch'min d' fer, ché là que t'eut dit que dins ch' pas d' calais ché pas si long qu' cha ch' bassin minier

béthune, la rivale de bruay, ville bourgeoise contre la ville ouvriere, 2 mentalités, eune plutot agricole et flamante, et l aute plus ouvriere et "chti"

j in vo qui s' dissent qui vont s'printe "eule pleume " si in peut dire such' clavier in dijant "ah mais du coté d' béthune in parle chti aussi" j 'dis pas qu in parle flamand cor de ch' coté là mais la façon d' busier, la façon d' s exprimer, j' vous parle d' cha y a cor eune cinquantaine d années, avant l' rouleau compresseur d' l uniformisation i s' mette in route , meme si ché gins i parlotent chti, (meme si certains parlottent cor l' flamand, comme min grand père maternel) i s' rapprochottent plus d' la mentalité d hazebrouck que d' celle d' lens

arrivée à béthune donc, terminus d' min voyache aller