autour del statue cor
par minloute le, 11/08/2008donc on arvient cor autour del statue, ché cor à cause d' vous que j a cor parti à droite à gauche sans parler de chi qui est arrivée al' statue du mineur d' la place legentil ou plutot al' plaque commémoratiffe
j'vous dresse ch' tableau j arriffe a mon del statue et là y avo su ché bancs quate personnes quale parlotent insempe
connaissez minloute, in moins d eune mineute i savo tout ..... donc y a l' dame qui m' dit que l' plaque commémoratiffe ale a été cangée pasque l' plaque initiale ale a été volée pasqu ale éto in cuiffe ou in bronze, en tout cas direction ch' férailleur
meme qui a eu aussi eune tentatiffe ed vol ou alors cha a été volé , in m a parlé d eune tiete d eune estatue d' marmottan qui auro été volé, qui y auro eu eune dame qu ale l auro intindu par l' farniete , cale auro appelé ché flics mais que l' temps qui zarriffent l' estatue ale auro été volée, mais qu ale auro été artrouvée au marché à puches ed béthune, mais qui saffent toudis pas ch'ti qui a fait cha
comminchez pas à faire des zératomes du ginre ché nin pas exactemint cha , minloute i raconte des cacoules , nan
minloute i raconte fidél'mint c' qui ont raconté ché gins assites such' banc , personnes bin aimapes au deumeurant
( 1 photos)