rue de chatel'rault

j allo invoyer in signal d alarme à Lou Marcel, vla ti pas qu in passant par l' rue d' chatel'rault , j' vo qui a eune paire ed mazons inhabitées et que l' société qu ale s occupe des mazons, l ex soginorpa, bin ale avo mis des griles d'vant ché farnietes et ché portes d intrées

ché pas bon signe cha, quand qu in vo cha , j' me souviens avoir vu cha du coté du pont des imbéciles, (si si cha existe à bruay cha) , j' me souviens avoir vu des rues completes du qui zavottent mis cha, et peu d' temps aprés i zont fait v'nir ché grues et in route pour l' grand saccage !

drole de spectaque d ailleurs , d' vire rintrer sans délicatesse aucune , ché pelles mécaniques dins ché masons

faut dire aussi que cha allo vite pour les faire querre ché masons, ah ale zont resistées au temps mais quand meme chéto fait presque exclusiv'mint in briques alors chéto du gatiau pour l' pelle

c'qui faiso l' plus d' poussières chéto quand l' pelle ale prenno les débris et qu ale les metto dins zin camion pour faire évacuer ché gravats ....

y a meme des zimaches bizares j' m' in souviens, des pans d' mazons mis à nu, té pouvo vire d' la rue l' couleur des papiers peints del' champe et du rez d' chaussée, avec par indro l' marque indélébile such' papier d un cadre qu in avo du laissé in place eune bonne paire d années et qu avec l' solel , i avo laissé eune trace such 'papier comme un négatif d ' pellicule d apparel photo

pi teut dijo, ici y a des gins qui ont rigolé, brait, fait des gosses, y a eu ici, l' odeur du rassacache, du bifteque cuit avec eune gousse d ale , souv'nez vous d'cha que cha imbaumo l'mason

"quo ché qu' vous mingeotte ch' midi" "biftequefrittesalate"

biftequefrittesalate, chéto l' repas complet et meme que l' femme ale rajouto, "in minche biftequefrittesalate, pasque m' n' homme i travale dur au fond"

ichi té voyo ch' conduit d' cheminée mis à nu, enfin un spectaque pas agréape, comme si l' mason ale éto violée, comme si in li minquo d' respect in l' détruisant comme cha al' volée ........
t arpasso chinq mos aprés té voyo pu rin, et pire l' pelousse ale arpousso du qui avo ché masons , adieu tous ché souv'nirs
donc quand j a vu qui y avo chinq masons au moins du qui y avo du grilache j' m a dit minloute cha sint l' brin aussi rue d' chatel' rault

alors aux dernieres nouvelles, par eune habitante del' rue, cha s'ro simplement des grillaches mis par l' société qui s occupe des mazons, pasque ché mazons là ché habitants i sont pu là, que l intérieur y a été arfait souvint et qu in attendant qui a un nouveau locataire, in l' protège du vandalisme par des griles qui vient visser d'vant ché portes et ché farnietes

terripe cha comme comportemint qui zont ché jones, mais ché quéquosse qui arvient in boucle dès qu' te parle avec ché anciens sur l' bruay d' aujourd hui, i parle tout d' suite ed ché jones, ah ché jones l' soir avec leu packs ed biere, pi pu d'respect , mi j' déchind pu à bruay au soir, ché terripe as'deminder quo qui font leu parints


j' cro surtout que le désoeuvremint explique eune partie d' leu comportemint

donc j arviens à min sujet, vu que j' m in éto cor éloigné, j' rassure Lou Marcel, aux dernieres nouvelles , pas de signes avant courreurs de destruction de la rue de chatel'rault