Coup de coeur, coup de gueule
Les jardinscomme un ballon dégonflé
par TIOT RITAL le, 16/08/2008Ramintuvons qué l' stade ed France appartient au Consortium qui l'a costruit pusqu'aucun cleub ed foot ocore d'aut' sport n'a voulu l'printe in carge. Chu qui fait qu'chaque année l'Etat i donne 50 miyons d'Francs ( pus d'7 Miyons d'Euros!) à ch'Consortium. Edon, eine Fédération d'sport obin un canteu(Johnny)peuvte louer l'state pou un match ocore eine manifestation sportive , musicale obin culturelle . El' Ligue ed fotball a loué l'stade pour l'finale Lens-PSG édon cha apparténot à l'Ligue et pon au PSG ocore au RC Lens ed faire respecter l'bon déroul'mint du match. Edon ,el Ligue du foot pro comme el Fédération d'foot(F.F.F) alle n'peuvté point faire indosser el responsabilité dé l'bandrole au PSG. L'Tribunal (civil) a arsaqué l'sanction baillée au PSG pa l'Fédération et ch'est jusse même si cha n'plait point au Maire ed Lens, aux gins d'Lens et aus supporteus et même si cha n'plait point. La loi ch'est la loi pou tertous !
