Mr Duthérage, professeur de mathématiques

j' ai appris, avec quelques mois de retard, le décès de Mr Duthérage, professeur de mathématiques au lycée Carnot

in tout cas j' l a eu en 1976 ......

un drole ed type voyez vous, pour mi j in avo peur, pourtant y éto pas gros , chéto pas eune montane d' musques, mais j' sais pas i impressionno .....et j éto bin ennuyé, pasque mi et les mathématiques in éto pas copains du tout

pi j' sais nin pourquoi, avec li, tel'mint que j' craigno d aller au tableau et d' pas savoir faire l exercice, ouais pasque à chaque cours i invoyo quéqu un au tableau pour faire un exercice et i éto noté, pi li chéto un espécialiste des interrogations écrites, que j' m a accroché comme jamais que j' m a accroché, au début j avo 4 sur 20 , pi 8, pi 10,pi 12 , à chaque coup quand qui rindo ché copies d interrogation écrite, i faijo eune reflexion, mi chéto parti avec min 4 sur 20 cha avo été du genre " si vous comprenez pas, faut le dire" point, pi aprés avec min 8 j avo eu dro à quéquosse du genre " vous vous réveillez ?"


pi comme cha d' fil in aiguile, jusqu au jour du qui a eu eune grosse interrogation écrite, un vrai devoir, eune heure à réponte à d' zexercices , d'vant t' feule blanque , in classe
j a fait d' min mieux j' vous jure, pi l' semaine aprés , i rend ché copies, et i commincho toudis par les plus basses jusqu aux plus hautes
et au début i cito pas min nom, bon à un momint j a fait ouf ,j' m a dit "au moins j' do avoir l' moyenne" , pi aprés cha m a inquiété, pasque i rindo des copies a d' zéleffes plus forts qu' mi mais qui avotent pas compris l' sujet, bon j' dis cor, cha peut et' compréensippe, pi aprés cha a été d'zéleffes du qui avotent fait deux tro zerreurs mais chéto bin i zavottent quatorsse, quinsse sur 20

et là j' m a dis , cha d' vient pas normal, surtout que nos regards i comminssotent as' croiser, mais j' me diso, so j a eune bonne note, mais j y cro d' moins en moins, ou alors j a tout faux et ch' t animal i est capape, i l avo dja fait , d' finir avec quéqu un qui avo 0.5 sur 20 , rin que pour que l' classe al' rigole, cruel zallez dire, mais efficace aussi
et j in éto am' dire, merte ché pas cor min tour, ché sur que j' va avoir eune note catastrophique
et là ch'prof i avo pu qu' deux copies dins s' main, i s éto assis au coin d eune tape pour rinte l' copie précédente à l aute bout del salle, là i m' ravisse avec un sourire ed coin et j' me dis j va minger graffe ....

et là i dit tout in s' levant,j' vous l' fait in patois, mais chéto in francais " là j' vous d' mante un tchiot peu d' silence (chéto eune boutate vu qu avec li cha broncho pas in classe), et j' vous d' mante d' applaudir, quéqu un qui m a surpris"
i s' leffe del tape, i traverse l' classe , i s' met d' vant mi, i pose l' feule d'vant mi,et i m applaudit j' vo l'note j a failli querre in syncope, chéto 17 ou 18 sur 20 ,
avec du r'cul, i in juo de s qui nin imposo aux gins ch' prof là, mais j' vous jure que toute l année j a tout fait pour avoir des bonnes notes et j' les avo, j' dis pas que chéto facile pour mi mais j ' m accrocho
cha a été hélas qu eune embellie, les deux années aprés, j a eu un aut' prof, que li chéto pas eune leumière pour expliquer pour s' mette au niveau d' ses éléffes et là j a suis arparti plutot vers les 7 ou 8 sur 20

voilà un hommache posthume que j' teno à faire, la vie ché fait d' pas grand cosses, d' souv'nirs parfois anodins, mais qu in peut raconter comme cha euh 32 ans après ....