dins ché bo

bientot ché feules ale vont ker dins ché bos, et pour mi à chaque coup ché nin un bon souv'nir, j' me souviens que quand que j éto au ces rostand, in allo faire du footing ed' dins ch' bo d' labuissiere, in passo par l' tchiote porte qui éto in bas du ces et qui donno pas loin d' la rue d' maubeuge et d' la belle au bois

pas si grand qu' cha l' bo d' labuissiere, mais alors bonjour ché cotes, ouais , ch' prof i s amuso a nous faire déchinte par chi, à armonter par là
savez , quand qu in court et qui a plu, ouais cha arriffe quéqu' fo dins l' pas d' calais, bin t éssayo d' suiffe l' rythme, mais fallo faire attention du qu' té métto les pieds, sinan chéto direque ed dins les flaques d io, et quand que j' dis flaques d io j' devro dire ornieres
que si te métto un pied d' dins l io , té pouvo et' sur que l' deuxieme i allo y aller aussi
allez in y va, vite ta tin nez qui guile, ta caud, t arriffe pas à suiffe , ah ché rigolo au début d' soul'ver ché feules qu ale sont quéu au sol in donnant un grand coup d' pied d' dins, pire, té faijo eune boule des feules et paf té j'to cha sul' l tiete de chti qui t' précédo , fallo pas s' faire printe par ch' prof sinan t avo dro à des zeures ed colle

et cor chéto pas l' pire, chéto quand qu in ramasso des coquil'es d' marron, savez avec des piques ed 'sus, té ramasso cha et té l appliquo dins coup sul' derriere de chti quit' précédo, chéto effet garanti

cha chéto quand qu in suivo cor assez bien, cha veut dire presque l' fin du premier tour, pasqu' apres pu d' son plus d imache, fini d' faire ch' l ébeulé, t avo du maux a avincher, t avo un poing d' coté, cha brulo dins ché poumons, et t avo l odeur humite des feules qui t armontotent d' dins ch' nez, ché pourquo que meme achteure, ja pas grand plaiji ou plutot j' devro dire que j a toudis un arsentimint quand que j' marche in foret et qui a plein d' feules fanées à terre .....