Les jardinsla rue Emile Chrétien
par minloute le, 30/07/2005Ale s'appelo avant la rue de la poste, m' grand mère paternelle ale a eu ch' mason là par piston, chéto un chtio coron du type "coron des préférés", juste à coté du centre ville, face à l'hotel de ville, sule photo la rue ale a été rénovée, les premières masons abattues, ché pour cha que l' première mason d'achteure, bin chéto celle du que vivo m' grand mère et sin fils, pi m' mère ale a habité là au début d' leur mariache, heureus'mint pour elle comme ché relations avec s'belle mère chéto pas toujours au bio fixe, ouais habitez jamais avec vot' belle mère, mi j' pourro pas, déjà avec m' femme ché pas facile.... m' mère ale avo l' souv'nir du garte qui véno eune fo par semaine avec sin sifflet et y ouvro ché vannes pour faire couler l'io et y fallo que ché femmes ale soient à ch' momint là d'vant leu trottoir avec leu ramon, pour ramoner ch' caniveau
M' mère qu'ale avo deux tchiots en bas zache pi qui attindo m' soeur y a des coups ale y allo pas, as' faijo ingueuler par eune paire ed' mégères del rue
( 1 photos) 
