jour ed' Toussaint
par Boxerman le, 01/11/2008Aujourd'hui ch'est l'Toussaint. Un pétit souv'nir d'em m'n'infance. M'n'oncle qui habitot rue d'l'Esplanade à Bruay faijot des "Chrysanthèmes" pour el Toussaint. Ch'étot vraimint des oeuvres d'art. In' n'avot à plusieurs têtes. I mettot des pétits sacs sur chés têtes pour les impêcher ed géler par grand frod. Vire sin gardin ch'étot vraimint impressionnant. j'pinse que y avot pas qu'li qui faijot cha et j'cros aussi qu'y avot des concours ed chrysanthèmes. Vous véyez, même longtemps après esse disparition, j'y pinse toudis.
par TIOT RITAL le, 02/11/2008Min père i cultivot li-menme les chrysanthèmes et mi, jonne infant, ej l'assistos. Mamère ! I falot eine rute patiïnce : in d'vot laisser foque 4 à 5 boutures pa pieds. Tous les arjets su l'côté in les pinchot pou l'z'impêcher d'pousser. In fsot cha au moinse eine fos pa s'maine. Cha ermeudot gramint d'ouvrache !