Coup de coeur, coup de gueule
Les jardins''bon in va s'ar n'aller''
par nounours-94 le, 04/11/2008souvint dins chés fêtes ed famille que ce soit un mariache, un baptême, ou eun' communion, souvint vers minuit ou eun' heure du matin y in avot toudis des invités qui disotent surtout les viux:
"bon ej cros qu'on va s'ar n'aller ou bien on va rapprocher", dins ché cas là y a plusieurs gins qui z'in profitotent pour in faire autant.
alors i restot pu que chés fêtards des durs de durs, chés princes ed la cuite donc ej faisos partie et souvint on s'amusot miux quand i z'étotent arpartis.
des fos, quand on ar rintrot à nous masons vers sept ou huit heures du matin (tant bien que mal) quand on arpassot devant eun' mason ed quelqu'un d'eule famile avec qui on n'arvénot, comme in n'avot pas core assez, in y rintrot boire ech dernier verre et par el même occasion sachant que nos gampes, i z'arrivotent pu à nous porter in restot coucher là.
chétot el bon temps, un temps ej cros révolu. parce qu'asteur les fêtes ed famille ch'est pu esse que chétot, ej sus bien plaché pour el savoir. l'année passé ej sus allé animer el mariache d'eune de mes nièches à Harmes on s'aurot cru à un interremint ed première classe.
ch'est peut ete la vie d'asteur qui veut cha. allez savoir!
