ch' père moutarte
par minloute le, 04/11/2008ché comme cha que m' femme ale m appelle, et ché vrai que j in mets sur beaucoup d' cosse, del viante, du pichon meme, mais savez y a eune viante que jamais j' mets del moutarte avec , ché .............oh zallez pas trouver, ché savez quand que grand mère al' fait un bouillon et qui reste un bon morciau d' boeuf, ale le sait, ale le met dans eune assiette pi direction frigo jusqu au lend'main soir
et là grand momint, j' minche l' viante tout in appréciant chaque morciau, que gout mes gins que gout, l' gout del viante qui a cuit dinch' bouillon, un peu seche achteure, mais qui a tel'mint d' saveur ....
ché pas pour rin que j a ker chte viante là, allez in arpart eune paire d années in arriere, minloute tout tchiot, l' tiete qui dépasse del tape mais qui argarde tout douch'mint l' magie qui est in train des' passer
m' mère ale a installé sul' coin del tappe le lachoir , savez ch' truc à manivelle , ch' toutil magique, in haut te met l' viante et ché bizarre, meme morte el viante ale veut pas déchinte l' long du tupe, alors m' mère ale incrinquo un tupe in bo comme avec un couverque rouche, et cha pousso l' viante vers le bas, du que là ale éto hachée et chéto magique del vire sortir, toute intortillée des trous du hachoir, cha quéyo aprés dins eune assiette du que si této sache t avo l'dro d' pluquer un ou deux morciaux, mais pas plus vu que cha servo à faire le lachiparmentier
et mes gins ch' gout del viante d' boeuf froite, heureus'mint ale a pas cangé...... y a eune cosse qu ale a cangé d' abord m' mere ale fait pu d' bouillon vu s' n ache, pi zavez djà mingé un lachiparmentier acaté in grante surface, savez un truc à récauffer dans eune espece d'boite alu au micro ontes ... zavez djà gouté cha .... rien à vire avec le vrai hachis ...