Les jardinssouv'nir d'infant
par nounours-94 le, 17/11/2008Souvint el jeudi, j'allos passer el journée chez mes grands pinrints. L'été à l'heure du gouter avec min grand père in allot s'assir ed d'sous d'ech'poirier minger les deux tartines avec du chocolat qu'em grand mère nous avot confectionnées et un fruit et là ch'étot comme un rituel. Min grand père i sortot sin coutiau ed sin pantalon ed loque ed fosse et i l'épluchot avec délicatesse comme pour pas l'blesser dins un silence ed méditation in intindot que chés moniaux siffler.
El temps i a passé, j'ai grandi mes grands pinrints sont partis au paradis et l'histoire ale aurot pu s'arrêter là.
Mais on arvient toudis sur les lieux qui ont marqué not' infance ch'est c'qui s'est produit y a deux ans lors ed min pél'rinache à Bruay.
Esse sus passé devant leur mason ale étot libre alors j'ai traversé el voyette ed gardin et à min grand étonnemint ech' poirier i étot toudis là. Alors alors j'em sus mis in face ed li, mi mes mains derrière min dos, j'ai fermé mes yux et fait un bon ed quarante ans in arrière in ré-imaginant el scène eun' sorte ed recueillement comme quelqu'un qui va esse recueillir sur el tombe d'un proche.
In retraversant el voyette ej brayos comme un nouviau né, l'émotion sans doute.
Voilà ech' cop chi ch'est la fin ed l'histoire. la boucle est bouclée ch'étot comme un retour aux sources. ch'est t'un tiot souv'nir qu'ej voulos vous faire partager.
