Les jardinsmi j'comprinds pas
par Boxerman le, 12/12/2008Salut mes gins.
In est au mois d' décempe et à tous chés journaux télévisés in est étonné qui qué del neiche. In plus dins chés régions montagneusses. Chés journalistes in dirot des poules qu'i ont trouvé un coutieau. Vous vous rindez compte, del neiche au mois d'décempe dins les Alpes...
Rapp'lez vous ches côtes ed Bruay verglachées, innégées y'a un'bonne trentaine d'années. Chés gins y metotte chés cindres ed chés cuisinières sur chés trottoirs pour pas glicher.
In aquatot des espèces ed crampons qu'in mettot sous ses godasses pour pas glicher. Et pi l'brique qu'in mettot dinch' four et dins l'fond d'sin lit pou arvoir caud. Insuite y'a eu l'bouyotte in caoutchouc. El sirop d'chuc candy qu'in faisot avec un' carotte sur el coin del cuisinière.
Asteur 10 cm à peine ed neiche et tout i est bloqué. Vas t'in vire Charles, commint i font chés Suédois et chés Russes?
Adé mes gins à l'arvoyure.
