à tertous

eune pinsée à tertous qui sont passés such' site ch' t année, eune pinsée aussi à André et sin blog , que si zallez pas sur sin site y a d' co s' tirer eune balle dins l' pied, j' diro meme que j' su un peu décu j' pinso qui y auro cor plus d' visites sur sin site, mais cha va vite progresser l' bouquazorele i va faire s' n effet

eune pinsée aussi pour ch' t année qu ale a été enfin pour mi exceptionnelle , j espere pour mi que ch' t année qu ale arriffe ale so juste l' meme que cht année j' su pas difficile juste comme cht' année

in a d autes qui pinsent l' contraire, que ch' t année ale a pas été terripe, que che so au point d' vue traval, santé personnelle ou l' santé d' proches , sans parler des grands départs qu in sait que cha va arriver un jur mais que quand cha nous tompe ed' sus in est abasourdi

eune pinsée à tous, à ceux qui viendront pas sul' site avant quéqu' jours, préparation, réveillon , et récupération du réveillon oblichent

ché pas à vous que j' va dédier min sujet aujourd hui, j' va l' faire à tous ceux qui pour eune raison ou eune aute vont s artrouver tout seu l' soir du reveillon, dur à viffe j in su sur , ché à eux que j va pinser c' soir, in na, et savez pas forchémint des gins qui sont dins l' mouise, nan y a aussi des gins qui sont tout seu, et quequ'fos des gins qui viffent in couple mais qui sont quand meme tout seu

y a un proverpe du sute qui est bin et que j' vous ardis à ch' t époque " bonne année bonne santé, et que si in n est pas pu nombreux al' fin d' l année, qu au moins in soit pas moins" à méditer mes gins
bonne année à tertousse , eune année qu in sait pas du qu in s in va, j' vous avouerai que j a quéq' craintes, eune fo les fetes qu ale s'ront passées

car savez cha va et' l époque pour pas mal d' societes d' présinter leu bilans aux banques, et in sait qui y a déja d' zartisans qui devoir arreter , faute ed 'crédit faute ed traval
drole d année qui arriffe, in sait aussi que cha sert à rin d' braire à l avinche, pourvu simplemint qu in so trop pessimisse in ch' momint
bonne année à tertousse et si savez eune manman ou un papa qui s'ro tout seu ch' soir chi, oubliez pas d' leu donner un tchiot coup d' fil au moins