Les jardinschés cocottes in fonte
par annie62110 le, 26/01/2009in a tous connu tronant sur s'planque à l'cave ou su ch'coin drot de l' cuisinière in train d'mijoter un bon ragout, chés cocottes in fonte grises toutes d'eune piéche, al z'ont nourri des générations
je m'rappelle qu'pour pas bruler ses dogts in d'sous de l'poignée de ch'couvercle in glichot un bouchon d'liège et cha permettot d'ouvrir et d'arfermer l'cocotte in toute sécurité !!
al n'ont vu des ragouts d'toutes sortes, des lapins mijotés, des boeufs au jus (ch'est comme cha dins l'famile qu'in app'lot ch'bourguignon), ch'étot du solide cha faisot partie de l'panoplie d'chés ustensiles ed cuisine dins chés maisons des mines !!!
i n'avot souvint eune qui avot sin cul noir ch'étot chelle qu'in mettot in plein feu pou saisir l'viande, ch'étot s'marque ed noblesse al avot pas peur de ch'carbon al résistot à s'caleur
core un épisode d'l'art d'vivre dins chés cuisines du bassin minier !!!
QUE DE SOUVENIRS DINS CHES COUETS in fonte ou pas avec el cafetière, chétot el principal del'batterie ed'cuisine, après y avot chés moules à gaufes, durs, molles, el gril à saurets, el'brule café, ech'l'étouffoir, ech'fameux moulin à café intre ses g'noux, et ech' modernisme, MOULIN A CAFE ACH' MUR
et pi apràs ben j'cros que tout ech'charme el caleur d'ech'foyer ed'mineur ya été gaché par ech' modernisme, quesse que j'voudros arvenir ach't'époque
