Au Gardin

AU GARDIN ...à mie confonte aveuc gardin grigne-dints ! ("cimetiére")

In preume, i fot d'bons otieus (outils) ! Si l'gardin i'est kéu in arruin'mint (en ruines) i fot eine fauque (faux) pou coper les roinches (ronces), ortiles (orties), chuchot (chévrefeuille), eine pioque (pioche) pou arsaquer les cuelles (chiendents), queues d'rats (prèles), bouquiaus, biscaïens, caillos (cailloux) pusse eine birouette (brouette) pou l'zé ruer (jeter).

Aprés in fouira (bêchera) aveuc ein bon louchet (bêche), ein quat' dints (fourche à 4 dents recourbées) pou brisier les waroques (mottes), ein rétiau (rateau) pou rételer (ratisser), eine poussette (binette qu'on pousse), eine rasette (binette qu'on tire), ein écruaudo (sarcloir). Mie oblier l'capiau d'palle (chapeau de paille) cont' el solé (soleil) et sorlers in caoutchouque (bottes) pou marcher din l'berdoulle (boue) et abouloires (bourbier) in temps d'puéfe !

In mettra du fien (fumier) comme ingrais. Pis quain l'daine (sol, terre) alle est fouie, palotée (béchée) ocore aroïée (labourée), déwaroquée (mottes cassées), affinée (ameublie), in ara plaisi à assémer (semer) des rémola (radis noirs) à mier (manger) aveuc eine tarténe ed burre, dé l'brelle (ciboulette), cerfué (cerfeuil), persin (persil), dé l'salate ed blé (mâche), des rouches betterales (betteraves) kers aus z'infants, des cavaliers ocore chous d'vaque (chous potagers), des ramures ed pos (rames de pois), des chous-sprotes (choux de Bruxelles), des spinaches ocore épinaches (épinards), d'z'haricoeuts (haricots), d'z'indives (chicorée frisée) (aveuc les rachènes infouies in tierre à l'automne in f'ra des chicons)

In assém'ra (sémera) des routes (lignes) d'séminches (semences) d'porions (poireaux) qu'in rinstiqu'ra (repiquera) in l'zé purlant (1) (enrobant aveuc du puriau, mélanche d'iau et de d'bren d'quévau ou d'vaque), des peun' tierres (pommes de terre) qu'i fodra ramoteler (mettre en mottes) et asir (bruler à petit feu) les aris (tiges et feuilles). Si in a ker (on aime) les compénages (herbes potagéres), in instiqu'ra (plantera) d'l'hierbe Noter Dame (valériane), de l'panasse (angélique), dé l'saliette (sarriette), des sales (sauge) qu'in met din l'cuisage (cuisson) d'blanques viantes, d'l'aragonne, taragonne (estragon).

Si i kée chu qui fot comme daquoire, drache, pourée, rigodée (pluie) in porra cueiller (cueillir, récolter) ein facheau (botte de légumes) qu'in pleum'ra, alira, (épluchera) pou faire eine bonne soupe, mie dé l'quiquisse ! (mauvaise soupe) .
In d'vra ercruauder (oter les mauvaises herbes) les cruaus, créyaus (mauvaises herbes), s'batte cont l'z'olaines (chenilles), rouches aranes (araignées), bruants (hanneton), caracoles (escargots), immélures (pucerons), missorelles (perce-oreilles). Si in a ein tiot rucheau (ruisseau) à l'débout du gardin, in pourra s'régaler aveuc du quenesson dit ocore santé du corps (cresson)

Et après cha, in dira qu'not parlache i'est pauffe in vocabulaire ?

Ej voulos réponte à ch'sujet ed'chés autieux ed'gardin, t'as oublié ech'grauet, ech'fainéant, ech'l'owette, in soyette, pi in d'a cor

Seur qu'i'a cor des noms d'otieus ! Cha dépind du coin duss qu'in d'more. Ainsin , dins "Le livre du Rouchi, parler picard du valenciennois " ed Jean Dauby, j'ai oblié grauet (fourque à dints arcourbé) et soïette (tiote scie) mais pon fainéant et owette. Queul ouvrage qu'in fait aveuc chés 2 otieus ?

Salut, ouais mi aussi j'avos oublié ech'grauet, un fainéant ché in tiote charrue simple avec un manche pour butter chés patates et in owette ché in houe pour désherber, ou faire ches routes, cha peut servir à gramint ed'cosses

J't'armercie gramint Maurice! Ainsin j'va compléter em' liste d'otieux ! Sur qu'té dos êt' un bon gardinier !

J'em defindos bien, malheureusemint ach'teur avec l'ache el silicosse ché tout del plousse que j'su obligé ed'faire tonte, j'el' ravisse même pu min gardin, cham' fait d'maux a min vinte, ya cor es'otieux din ch'l'abri à bos, j'ai même pinsé a ti ech'matin quand j'ai vu ech'fainéant, (che pas d'mi qu'ej'parles ) in tout cas j'sus ben contint qu't'es contint , a +