L'frod ed'l'hiver
par cartouche le, 28/01/2009Dins ch'grind frod ed'l'hiver
d'chés quéminées sort de l'finquère
qui flotte au d'zeur ed'chés corons
propageant eune odeur ed'carbon
Dins chés rues y a des gins qui grèl'tent
in vos veyant passer y vous appel'tent
réclam'tent eune tchiote pièche pour minger
in tindant leux mains dins un gant troé
L'nuit est in train ed'quére
pour ex y ara pas ed'finquère
tout juste un morcieau ed' carton
comme matelas, comme édredon
pourtant dins l'rue d'à côté
y a des masons abandonnées
mais chés fernietes son murées
et chés portes framées à clef
Y sont promisses à l'démolition
pas question d'in faire profiter
chés malheureux in train ed'gréler
y a vraimint pus ed'compassion
Ch'l'Abbé Pierre y est parti
chés bonnes consciences avec li
avant ed's'occuper ed'l'étranger
devint nos portes y faudrot balayer
BIERLAIR René dit Cartouche