j'ai rajeuni d'chinquante ans ...
par Boxerman le, 01/02/2009Salut mes gins et merci pour ché réponses pour ch'projet ed tramway. Ch'savos pas quel départ cha s'rot au n° 4 ed Bruay. mi j'me rappelle avoir pris ch'train al gare ed Bruay pour Lille. In passot par Béthune.
Hier j'ai fait un tiot pélérinache. J'ai été vire derrière chés habitations d'el rue Victor Hugo au quartier du 3 ed Bruay. J'ai été derrière em'mason duq ché qu'ej sus né. El mason sur el butte à côté d'ech docteur Delval. Qu'ed souvenirs.
Pi j'me sus avanché sur el terrain d'l'ancienne brasserie, et pi sur el terrain vaque d'el quincaillerie Dumuret Carmen à coté d'el boucherie Barel. J'ai ravisé dins l'cour ed chés pompes funèpes Valembois pour vire si ech corbillard tiré par des quevaux y'étot toudis là. J'su passé devant France Fleur, j'ai eu inne pinsée pour Mimile.
J'su r'monté devant chez Plouvier, la cressionnière, ch'café Bouton, ch'magasin Wibo sans oublier Saletta. In haut d'el cote j'ai pris un pain chez Ryska. Là sur el plache j'me sus artourné, j'ai fermé mes yux et j'ai rajeuni d'chinquante ans. Mais y'a bin fallu qu'ech les rouffe mes yus.
J'vénos d'faire un tour dins l'passé. Excusez me, j'ai pas marqué tous chés commerces dé ch' quartier que j'ai cor dins m'mémoire.
Bonne soirée et bon rêves à tous