accident de travail au fond
par Potié Vital le, 11/02/2009j'avos été graisser ch'blindé PFO à l'tête d'talle, j'mettos l'huile RV dins des réducteurs de vitesse comme eune boite à vitesse chétot énorme et j'pinse bien in mette deux lites pour un, c'qui faijo au moins quatre lites in véyot rien, j'faijo ch'qu'in m'dijot d'faire, j'savos l'date qui fallot respecter
j'me sus artrouvé dins eune voie, ch'train barou i s'aménot i n'avot pas d'plache, j'me suis artrouvé coinché m'tête intre l'bord d'un barou qui roulot et un tuyau d'air d'quatre vingt dix, ch'tuyau i allot in pente j'étos pris, m'barette al avot volée, j'me sus rassaqué in m'arrachant dix centimètes plus loin i avot in collet j'auros été tué
j'ai gardé à m'n'oeil une cicatrice de l'fosse ché l'seul accident que j'ai eu au boulot dins m' vie d'ouvrier
j'ai eu peur après coup, j'saignos beaucoup
ch'porion i m'a nettoyé m'plaie i m'dijot t'as pas grand cosse
reste dins ch'coffe cha ira mieux
j'avos eu trop peur j'pinsos toudis à ch'collet
j'ai armonté et été vire ma soeur Marie au dispensaire
l'lendemain j'ardéjindos
MAIS
l'fosse al étot première au classement pour les accidents
comme j'avos armonté i a eu billet d'blessé et l'prime al a passé out
j'auros été tué cha aurot été parel
Mi j'étos gamin au fond et ch'porion i ma pas inpêché d'armonter, i m'aurot expliqué que comme i dijot aux ouvriers blessés si té prinds un billet l'prime al saute i s'inringeotent entr'eux, in étot arrivé à un point vicieux, pu d'billet d'blessé pour avoir eune prime
i me l'aurot expliqué j'séros resté à ch'coffre in intindant l'heure et l'peur que j'avos eue al sérot passée
au dispensaire ma soeur Marie al m'avot mis des agrafes, chétot fort ouvert mais pas long, cha s'vot bien eune blessure d'fosse ché toudis bleue
j'ai un souvenir
Salut Vital , figure te qu'j'ai eu el même tour que ti quand j'étos cor galibot, ches ouvriers y avottent bucqué, y avottent mis chés couronnes, ech'bieau tas ed'caillots yétot cor in plache, et j'devos aller querre ou mette quête cosse (j'sais pu quoi) in montant d'sus ch'tas, j'ai pris em'n'élan pour monter j'ai butté em'tiête d'sus inn' couronne, em' barrette al a volé artenu par el fil dem'lampe, j'avos em'figure plein ed'sang, j'avos pété em'n'arcade sourcilière, cha pichot, j'ai eu 5 ou 6 agrafes, et bien sur j'ai cor el marque, a +