j'busis in faisant delle couture
par LA CLO le, 14/02/2009In calculant pour raccourcir un corsache à m'tiote file j'busis :
Y a un détal qui m'arvient, ch'est ches élastiques (à culottes) qu'in mettot sur le haut d'nos cauchettes et aussi sur les manches ed quemiches des hommmes quanque ches manches ale z'étotent trop longues.
j'me vos mal aujourd'hui à mette cha à l'quemiche de m'n'homme ! !
Ch'est vrai La Clo, ch'est un détal que j'avos oublié mais j'em souviens bien in effet ed ches élastiques qu'in mettot sur les manches ed quémiches, ch'étot pas cousu mais cha serrot et cha permettot d'armonter el partie supérieure, si j'em souviens bien de c'que min père mettot j'cros même qui avot pas que des élastiques ed culottes mais qui avot des élastiques espéciaux plats et plus larges pour les quémiches, cha devot pas ete très confortape quand même, tout comme à ches cauchettes
Et ches cauchettes que nos grand-mères tricototent ..., au moins ch'étot caud !
ben ouais es élastiques à chés manches ed'quemiches, chetot bien des élastiques plats, blancs, même mi j'en n'ai mis
quant à chés cauchettes ché viux y mettotent des supports cauchettes, mi j'ai tricoté des cauchettes à 4 aiguilles et pi des gants à 5 dogts, avec em'femme in s'installot, et in faijot un concours j'ai jamais gagné, al'etot vraimint plus rapite equ'mi, j'ai comminché vers mes dix ans, et pi ptit a ptit ech'perdos moins ed'points " faut du temps quand même " et pi j'ai tricoté des culottes in coton pour mes soeurs, la avec em'mère et mes soeurs