ches chewing gum Malabar à l'école....

Ches chwing gum à bulles, ches malabars qu'in acatot l' matin à ch'tiot marchand d'toubac juste avant d'arriver à l'école Marmottan à Bruay dins les années 60.
Eune sacrée invention pour punir tous ches jones écoliers:
Non seulemint ed'dins, ch' papier colorié t'permettot d' faire des tatouages éphémères d'sus tes bras ou tes mains qui t' trahisottent à outrance à l'école comme à t'maison.
Mon dieu, qu'o qu'ché que j'ai eu comme punitions à lécole avec mes camarates quand in mingeot cha pendint ches cours in discrétion, et surtout quand in faigeot des bulles quand ch'l'instituteur i étot affairé au tableau, nous tournant l'dos !.....
Mais ch'étot un malin !... I s'artournot d'un seul coup quand l' bulle ale claquot d'un coup sec, et i t'prenot sus l'fait, sans que t'ai rien à dire, pas l'mointe alibi !.........
500 lignes ou 32 verbes, ch'étot l' verdique, in plus deux heures dins ch'coin et privé d'récré !.........
Bin sur, j' passe el baffe dins t'guiffe et ch' coup pied au c..
Et je t'dis pas quand té rintros à t'mason avec un mot sus ch' cahier d' leçons à faire signer par chés parints !.... et reboum !.........

Y avot pas d'justice, nan nan, y avot pas d'justice !.....
Badinter i aurot du intervenir pour nou cas, mais ch'étot pas d'actualité à l'époque !....
Alors in s'vingeot comme in pouvot, quand i avot le c.. tourné, à l' récré surtout, je m'souviens que certains d'intre nous, des intrépites incorrigeabes, mais pas mi !.... in collot des chwing gum bin frais à l'intérieur de s'blouse sous les aisselles, bien planqués, au grand dam de s'femme et d'li bin sur; quand i veillottent les dégats sus quémiche l'soir à s' mason après sin boulot !.........
J'te dis pas el lendemain les réglemints d'compte, punition collectife, pasque bin sur y avot pas d' coupabes, devoir surveillé hyper salé avec repunition à l'appui!
Visite de ch' dirlo avec leçon d' moralité et avis aux représailles !.. convocation de ches parints d'élèves à "hauts risques" et j'in passe......
Mais in toute franchise, ch'est vrai qu'in étot des sacrés fichelles !.........
N'est ce pas Mr D. E. ?............. i va s'arconnaite........... ch'étot un d' nous tortionnaires !
Mais ch'est vrai aussi, in n'l'a pas pas ménagé non plus !........
Que de souvenirs !

sujet très intéressant, et surprenant det'part André, mi qui et'veyot comme un gamin sache et discipliné, cham'rassure, et cha canche un tiot peu ed'tout chés misères qu'in raconte ichi ou d'sus tin site, t'em' suprindras toudis "agréablemint bien sur"