Les jardinsch' tableau noir
par annie62110 le, 19/02/2009"ANNIE AU TABLEAU" l'phrase là al m'a fait peur pindant tous mes zannées d'école ! pourtant j'étos bonne élève, mais quand j'veyos l'maitresse poser des opérations su ch'tableau m'première pinsée ch'étot pourvu qu'al m'appelle pas !!!
je m'sintos pas bin sur l'estrade, j'savos qu'tout l'classe al m'ravisot, j'avos peur de m'tromper!! et l'pire ch'étot quand in m'app'lot pour corriger les fautes des zautes, j'aimos pas m'faire armarquer, bref pour mi ch'étot eune vraie torture !!!
j'ai comminché l'grante école comme in disot à quatre ans et demi et j'étos tiote, j'ai même fait des opérations su l'pointe des pieds les premiers jours, aprés l'maitresse al a compris qui fallot écrire in bas du tableau !!!
bref j'ai pas oublié l'tiote boule qui armontot de m'n'estomac quand l'maitresse al criot "ANNIE AU TABLEAU"
