l' journée d' la femme
par minloute le, 09/03/2009j espère mes gins que zavez pas oublié l' journée d'la femme, ché des momints importants cha, faut pas faire d impairs sinan té sur que grand mère ale va t' querre ed sus, donc la journée d' tous les dangers ..... mi j a pas fait eune erreur, bon ché vrai j avo décidé d' faire à minger mais chéto trop tard, grand mère ale éto in train d' mette l' viante dinch ' plat pour met' à tap', alors j' m a dis j va met' la tape , bin chéto djà fait, alors quo faire pour l'journée d' la femme bin là mi j' la surpris et ale éto toute artournée, eune fos que j avo fini m' premiere gamelle, au lieu d' tende m' n assiette un s'gond coup, bin j m' a l'vé d un coup que grand mère ale a pas vu arriver, que d un geste magnanime j' y a dis "stop reste assisse j' m arsers tout seu" ouais mes gins j' m a arservis tout seu sans que grand mère ale s arleffe d elle meme, pour ché zommes zavez sinti l' messache que j a fait passer ch' coup là, ouais j a montré que minloute i savo aussi et' à l écoute des zautes, pour ché garnoules enfin celles qui sont pas quéues dins les pommes aprés eune preuffe d amour comme cha , j' sais ché l' preuffe ultime d' l attintion qu in peut vous démontrer , comme cha , presque un geste princier j' diro meme, bon quand qui a fallu du fromache à minloute, grand mère ale a pas tardé à am'ner ch' plat sinan j allo raler, ouais point trop n en faut, pasque si te laisses ché garnoules printent d'mauvaisses habitutes , cha s' ro a ti bientot à faire l' vaisselle, m inqu'ro pu qu' cha ........