infants d'ches corons
par annie62110 le, 27/03/2009avant hier sur histoires de chtis in a parlé d'eune tiote copine qui comme mi habitot dins l'cité Ste Barbe à Fouquiéres.
ch'étot au début des zannées cinquante eune cité moderne avec des pavillons d'plain pied et des grantes maisons d'imployés !
tout chés zinfants i zallotent à l'même école, in juot tous dins l' cour ed récréation, mais eune fos rintrés dins l'cité allez savoir pourquoi i avot qu'chés zinfants d' mineurs dins chés rues, les zautes i z'étotent bouclés dins leur cour ou leur gardin in s'parlot à travers ché grillaches ! in n'étot pu fréquentapes !
comme j'travaillos bin à l'école j'avos eune bonne tiéte comme in disot à l'époque ed temps in temps j'avos l'drot d'aller dins leurs cours et je m'rindos pas compte qu'in m'traitot comme eune privilégiée !
ach't'heure quand j'y pinse j'trouve cha navrant, ch'est là qu'in vot que l'lutte des classes al exist'ra toudis ! et avec min caractére un tiot peu anarchiste cha m'laiche un arrière gout d' colére !