minloute prind cha dins tes loupes

j' vous raconte el' suite et j' vous jure que tout c' qui cha passé chéto vrai, maintenant j' do prév'nir les ames sensipes qui prindrottent tout d' suite ch' drapiau pour m attaquer in dijant "minloute i respecte pas ché gins " j' leur dit tout d' suite, ché du second degré et ché gins là si j in parle ché que j a eune affection pour eux
j' comminche em' n histoire donc j' dechind du train sam'di matin gare ed' béthune, un fro d' canard mes gins un frod d' canard, mi j' avo qu un tchiot blouson et in d' sous eune kemisette à minches courtes, oh vinguette j a été saisi in sortant such' quai, faut dire que si j avo été malin, rin qu à vire l' nasiau du chef d' gare such' quai, un bio nez bin rouche pret à guiler , cha auro du m'mette in alerte mais savez in s' print toudis autremint qu' les zautes ..
donc j' sors du train et quo que j' vo l' bulle ale passe d' vint mi comme cha sins s arreter, l' bulle j' vous zexplique ché comme cha qu in appelle l' line ed bus qu ale conduit ed béthune à bruay et dins laute sens aprés bin évidemment sinan t auro plein d' bus stationnés à béthune et pi à un momint i pourrottent pu n in invoyer cha coutero trop ker ,donc ché pour cha que cha fait aller et retour, eune navette si vous préférez ...
donc j' dechind du train , ch' bus i passe d' vint mi, et j' m' dis cha y est té bon pour attinte 20 mineutes à l abri bus avant qui n ' a un qui arpasse .. j' m éto mis à l abri du vint derriere l' protection in verre, que qui a un aut' bus qui arriffe et que d' dins déchintent un coupe espécial, elle a éto jone , àm 'mote qu ale devo avoir 22 24 ans , bin in chair ,cha débordo d' partout, mais chéto pas vilain car ale avo cor un visache gracieux, et li plus viu i arsonno à patrick topaloff avec des bouques d oreles d' chaque coté, pi un bonnet d' marin sus ' tiete ....