bienvenue chez les chtis
par minloute le, 02/04/2009bienvenue chez les chtis , bio flime , qu on comminche à intinte des avis disant que cha s'ro pas si bin qu' cha ch' flime là, cor heureux mes gins que j a invie d' leur dire, ch' flime là y a jamais été prévu , fabriqué , pour et' l' film référence, ché surtout qui a queu au bon momint, à un momint ou les gins i zavottent besoin d' poésie et d optimisme
bio flime pour mi que bienvenue chez les chtis mais comme tous les succés ché récupéré voir la photo
commentaire sul' photo , en tout cas l' mien " mi nan"
tout à fait d'accord avec ti minloute pour ech'l'affiche ché del récuperation qu'in devrot pas vir ,
quand à ch'film, j'l'ai pas vu, donc jen' f'rais qu'inne critique qui bien sur n'ingache que mi, 90% des personnaches ont un patois qui n'est pas naturel, forcé, dès les premiers lancemints al' télé, cha m'a déçu
Jé pal'rais foque du film . I'a fait bocop d'bien à l'région Nord-Pas d'Calais et ses habitants. Par cont', à part Jenny Clève et Fred Personne, el lanque a été gramint mau traitée ! Line Renaud ? Eine catastrophe ! Aut' cosse, Dany Boon pou faire un ju d'mot comique i utilisé l'adjectif possessif "chiens" à l'place ed "siens". Vous povez daller dins n'importe queul coin d'Picardie , Nord Pas d'Calais ocore du Hainaut belche, jamais in dit "chiens" !
Les gins du Nord Pas d'Calais i z'ont pierdu leu culture au point d'oblier qu'leu lanque ch'est du picard et arrien d'aut'! Même si i'a d'fortes différinces avec el parlache des gins d'Picardie mais ch'est les mêmes bases. El ch'ti n'a jamais eczisté en tant que lanque ! N'oblions pon qu'les mots ch'ti chtimi, cha nous a été donné pa les parisiens pindint el guerre 1914-1918 !
Comme in est el seule région d'France qui a s'nom formé aveuc 2 noms ed départémints, les mots chti , chtimi cha nous a donné eine idintité. Nos pu proches visins belches i palent frinçais. Mais eusses i n'ont pon d'complecse mau plaché, i n'ont pon caché à mettre un aut'nom à leu parlache et sont fiers ed parler frinçais. Alors, nous in d'vrot faire parel : Soyons fiers ed paler picard !
Infin pou finir, in a pon attendu après el film ed Dany Boon pou faire arvive not' parlache régional ! Et cha , in né l'dira jamais assez ! Pasqué d'pu les z'années 1970 , bin des artisses , écrivains , poêtes, canteus et acteus d'téâtre i z'ont ouvré et ouév'te incore pou faire non pon dé l'tarte à l'crème ou du vulgaire mais du biau .
Achteure i'a des jonnes qui s'y mettent.
Ej sus gramint trisse ed vir qu'leu ouvrache i n'soche pon arconnu comme i faut. Ej dirais un ecsimpe qui résume ch'mépris. A l'sortie du film ed Dany, el Consel Régional i'a édité un tiot lexique (10 000 eximplaires quaind même!). In arot pu busier qu'Alain Dawson, docteur in linguistique, espécialisse du parlache d'not' région (cha n'coeurt pon les rues!), auteur d'l'Assimil (Le chtimi de poche) i'arot pu au moinse êt' consulté pou faire quèque cosse ed bin ! et bin non ! Et in a fait d'l'a peu près
Cha résume tout : ch't'ecsimpe moute fort bin qu'nos politiques i savte même pon chu qu'i'a comme richesses din not' région !
( 1 photos)