l'retour aux sources

ché pas facile à dire pasqu in pourro vesquer pas mal ed gins, mais nous qui sommes en grante partie des "éxilés" , in a plus in plus d' mal à s' artrouver ou à artrouver l' bruay qu in a connu , j' dis chi bruay mais cha pourro j' cro et' aussi appliqué à pas mal ed' villes minières

comme disot Boxermann, ché vrai que l' quartier du 3 y a bin cangé , ché un quartier qu in n y a pas été avec l' dos d' la cuillère, in a abattu des rues complètes et savez in tout cas j' vous l' dis ché d' sacrées rues là haut , t in vo pu l' bout

pu grinmint d'gins dins ché rues, plein d' commerces freumés , à l' archerche d un hypothétique acateux ...

in s y artrouffe ed moins en moins , mais méteux vous al' plache des gins qui habitent ichi achteure, à nous intinte nous plinte d un temps passé , d eune époque passée, i zont ptete invie ed nous dire, arretez d' braire, vivez avec vot' temps, vous arvenez ichi comme in pelerinache, voudriez artrouvez tout comme avant mais ichi ché nin un zoo .........

mais j' comprinds aussi Boxermann, j ' partache l' meme sentimint, mais si in nous poso l' question voudriez artourner viffe la bas toudis, j' su nin sur qu in s'ro eune majorité a dire ouais à méditer

Bonsoir à tous.
J'arjoins Minloute. Ché vrai qu'ech voudros point ar'venir à Bruay. Mi j'ai fait pas mal ed régions dont el tienne Minloute et j'sus arvénu din l'62 et j'argrète. Néanmoins j'ai querre min quartier du 3. Ravisez un peu l'aquarium qui z'ont fait à côté d'el Mairie d'Bruay. Pour dissimuler l'connerie y z'ont mi d'l'espèce ed lierre sur el façade.
Vous croyez pas qui a un malaisse quiq part mes gins? Ti in va t'imm...der parce que té va pinte tes volets in vert et pi là in i va d'bon coeur. Tan mieux pour ceux qui ont querre cha mais cha n'engache que mi et j'mets un zéro pointé.
Et pi in'n'a un aute qui a pas d'égal in li même. Y'a fait mette des stop à chaque rue d'chés croisements. Par exempe dins l'rue Paul Descamp. T'as 4 rues, t'as 4 stop. La aussi, ch'pinseu y'a du s'dire qu'yavot fauté quiq part et bin y'a rajouter in d'sous d'chés stop un panneau priorité à droite. Comme cha tout l'monde s'arrête et tout l'monte y'ardémarre in même temps... Raymond Devos y'é pus là mais y'avot d'quoi faire un sketche..
Allez Adé mes gins.

ché vrai c'que dit minloute y a pus granmint d' gins qui voudrotent artourner au trois. mi l'premier j'y vais ed temps in temps l'espace d'un week end mais après deux jours j'in ai marre.
ej n'irai pas finir mes jours labo d'abord parce que ej n'ai pratiquemint pus d' famille à part deux cousines, un cousin et m'tante qui a 84 t'rans. qu'est ce que j'iros y faire? à part faire el tournée des bistrots d'el plache Marmottant.
quitte à avoir un accidint in arvénant ou n'pus pouvoir ar'monter l'côte à pied tellemint qu'eese s'ros in guinse.
nan! in plusse si t'a besoin d'un pain coupé ou d'eun' boîte ed cassoulet el diminche soir i reste te pus qu'à crever d'faim jusqu'au lend'main.
el seule chose et ché mes dernières volontés ben que j'en' sus pas cor à l'agonie, el jour qu'ej va passer ed l'aute côté d'el barrière, ché d'em faire interrer labo in face du terril. sans passer par l'églisse saint Martin. ed toute façon i aura personne am'n'interremint.
j'ai eun' mason Divion bien qu'ale m'appartienne qu'à moîtié el jour qu'ej va in hériter plus vite qu'ej l'aurais vindue, plus vite qu'ej s'rais débarassé, labo ché cor pire.
té va m' dire nounours: "t'as pus l'âme d'un villageois" au bout ed 37 t'ans "d'éxil" cha peut s'comprinte.

et incore minloute y est incore jone pour avoir connu Bruay les berdoules, el plache du cercle l'été qui grouillot incore ed monde à 9h du soir avec ches marchands ed frites, ches estaminets pleins et ch'cinéma Casino et Rex plein aussi

c' qui m a vraimint surpris l' dernier coup, ché que , pourtant chéto pas les vagances, j a pas vu passer des ribambelles ed gosses pour aller à l école ....