un chti mot ??
par Marie-Claire le, 12/08/2005J'sais pas si i vous a d'jà arrivé d'faire eune archerche din google, yahoo ou un aute moteur d'archerche, in i mettant ch'mot "chti"
J'vous esplique t'à l'heure j'cachos des poésies in chti, j'tape donc dins m'recherche "poésie chti" et là j'm'aperçois qui a sur 3 pages d'réponses, inviron 3 ou 4 sites seul'mint apportant eune réponse cohérente (dont histoires de chtis in premier...) et l'reste chétot quoi, os allez m'dire. Eh ben ché des adresses d'forums ou d'blog intre aute, tout in français et qui n'ont rien à vire avec du ch'ti mais dù qui apparait l'mot "chti"
Exempe, je vais faire un "chti truc", nous avons fait un "chti voyage", je vais t'envoyer "un chti message" etc etc ...
Donc si in résume l'situation, in s'aperçoit que le mot "chti" comminche à s'imployer dins l'langage courant, disons familier, MAIS l'sins in est perdu car à l'évidence in peut l'traduire par un "tchiot" : un petit ..........