Les jardinsché gardins cor
par minloute le, 21/05/2009eune reflexion concernant l artique juste avant sur ché gardins, j' mettro un bémol , in tout cas pour mi, par rapport al' reflexion d' Pourageau sur ché barraques qu in voyo dins l'temps , ché vrai j' l avoue que chéto pas toudis du meilleux gout, j' pinse quand meme qui a du in avoir eune paire qui ont été contint d avoir des dépendances arconstruites in dur au lieu d' ché barraques faites in tole, mais j' peux pas m impécher d' busier et d em' dire que cha avo sin charme, in tout cas d' l extérieur , mi j avo ker cha d' vire commint tout in chacun i avo aménagé ses barraques au bord d' sin gardin , chéto souvint l' domaine dech' l homme, i li ringeo ses outils du gardin, enfin tout s' n atiral , que meme souvint aprés leu décés, ché zinfants ou ptits zinfants in' nont j'tés al' poubelle ou al' déchet'rie, meme quéqu'fos trop rapid'mint, y a des trésors qui ont été balés alors que cha auro fait la joie d' collectionneux ........ pour in arvenir au sujet, j avo ker raviser dins ché gardins commint que ché gins i faijottent ché bordures, queq' fos chéto fait avec des bouteles in verre avec ch' goulot interré dinch' sol, d autes fos chéto fait avec des briques , d autes coups chéto fait avec des bouts d' toles, in voyo souvint au coin del ' barraque eune viele lessiveuse au miu un tonnio pour récupérer l io qui déchindo del gouttiere del barraque , in' n avottent qui avotent fait un poulailler, d autes un pigeonnier ,in fait chacun laisso libre cours, sous l' oeil dech' garte quand meme qui veillo qui ya pas d' taudis qui s' montrotent quand meme
