Les jardinsmononque Paul
par nounours-94 le, 22/05/2009des fos quand on allot dîner el diminche à mo d'em' tante et min parrain such' boulevard Basly, au soir sur les cops ed cinq heures i disotent: "si on irot dire bonsoir à Solanche et à Paul". i restotent dins l' rue du Duc Domale. inévitablemint au bout d'un momint min mononque qui étot eun' amusette i allot quer ses disques et chétot parti pour la fête, i avot eun' collection ed Landerkapel à in faire queyir dins les pommes un collectionneux, (ché des 45 tours tyroliens) esse n'électrophonne chétot : j'en' sais pas si vous vous in souvenez, un poste ed radio avec el tourne disques au d'sus.
que des belles soirées. j'étos tiot j'en' dansos pas ou défos avec em'tiote cousine mais j'étos surtout fasciné par el musique, et l'ambiance
combien ed cops min parrain et min père ont été farcés el lundi quand i z'étotent du matin.
PS: min mononque i s'app'lot Paul Facon ej l'ai arconnu sur eun' photo que minloute i avot mis sur l' site à l'occasion d'el retraite ed sin papa. cha m'a fait tout drôle.
