Coup de coeur, coup de gueule
Les jardinsmononque Louis
par nounours-94 le, 29/05/2009chétot el fère ed min mononque Paul dusse qui à travaillé? j'en' m'in rappelle pus. mais j'em souviens très bien qui avot eun' passion pour les jeux. quand on allot as' mason i restot rue ed Pont à Vendin au 2 i étot assis as' tape in faisant ses lotos, tiercés et autre, et chétot eun' amusette i avot toudis el mot pour rire.
un cop, in allant rinte visite à m' tante Margueritte rue d' Bellevue el v'la qui arrife avec esse femme Justine qui soit dit in passant a été institutrice à l'école Loubet. dins ch'temps là, y avot granmint ed marchands ambulants, el' jour là em' tante qui étot presque sourde in intindant klaxonner li demante: "Louis ché ech' marchand ed pain? nan qui li répond ché ech' marchand ed brun t'in veux un p'tit peu".
i avot cor deux frères Arthur qui travaillot à l'accrochage al fosse trois et Ambroise qui étot machineur. si vous etes bien saches ej vous racontrai des annecdotes à leur sujet prochainemint.
ses garchons chétot des musiciens, y avot Robert qui étot professeur à l'école ed musique à Bruay et Charles qui m'a initié ale guitare, tous les deux décédés malheureusemint trop tôt. ché des souvenirs qui m'arviennent au détour d'eun' conversation ou d'eun' promenade qu'ej tiens à vous faire partager.
