Les jardinsoutils du mineur
par loumarcel le, 19/08/2005V’la chi les outils d’m'in pére qui avot quand i étot au fond in 1925 comme « galibot » jusqu’in 29 insuite comme « rimblayeur » jusqu’in 30 et insuite à l’ « taille » jusqu’in 44 ch’est là qui a été bléssé et qui est armonté au jour.
Là i a été aux Ateliers Centraux et insuite au lavoir, à Carbolux, dû qui avot aussi l’centrale, j’cros que ch’étot putôt su l’commune d’Gosnay, ch’est là qui a Emmaüs à ch’t’heure.
Vous pouvez vire ichi sin « pic » qui a pu d’manche et s’n’ « hache » pour boiser, sans manche aussi. Ouais sans manche d’pi l’temps. Cheux chi i z’avot’nt inne forme spéciale et j’voudro bien artrouver quequ’un qui saurot cor les faire pour les armète à chés outils.
Passe que sans manche ch’est pu in outil.
Quand j'éto gosse i avot aussi deux ou trois "barettes", chés capiaux d'cuir qui métot'nt su leu tiète au d'sus d'ech "beguin", ch'étot épais d'1cm, 1cm5, je m'deminte ch'que cha pouvot protéger.
I a aussi inne gaillette, elle, elle vient d'min biau frère qui nous a quitté l'an dernier.
( 3 photos) 
