ech' coiffeur à Bruay
par nounours-94 le, 16/09/2009dins l'temps y avot un coiffeur such' boul'vard Basly, i s' prénommot Serge sin nom d'famille ej m'in souviens plus et pourtant ej devros, esse femme ale étot adjoint au maire ché elle qui m'a marié. i coiffot bien mais i avot un défaut ché qui n'arrêtot pas d' parler in plusse ed cha i avot un penchant pour un certain parti politique. imaginez el scène: i queminchot à coiffer el bonhome assis sur el fauteuil devant l'glace et d'un seul cop i s'arrêtot pour parler politique avec les clients qui attindotent leur tour dins l'salon, ej les ai vu ou putôt intindu canter el canchon du parti in question. cha fait que quand t'arrivos pour et faire coper tes caveux si y avot 4 ou 5 prsonnes devant ti t'étos sur d'y passer l'après midi. mi qui avot pas quer y aller em mère ale me faisot faire tout l'tour du 3 pout m'y inmener j'étos servi.
ché drôle à chaque cop qu'ej va m'faire coper mes tiffes, bien qu'asteur comme tout l' monte ej prinds rendez vous esse qui n'étot pas l'cas à l'époque, ej y arpinse toudis.
Bonjour à tous, j'lis ch'site avec che coiffeux ed bruay. In les appelot aussi ché merlans, in dijo j'va chez ch'merlan. Mi j'em rappelle ed monsieur Genelle dins l'cote du trois à coté d'chez meubles Poirier. Y'avot aussi chti à côté d'chez Plouvier au n°3 à côté d'lacressonnière. In' n'avot in au cercle, à coté d'lavoix di Nord, y s'appelot Chez EDOUARD. Là vous allez m'éclairer em lanterne, y'avo l'radio Locale installée au d'sus. Ché l'radio locale qu'yétot installée rue Louis Dussard à Bruay, àl l'plache d'l'ancienne Banque à côté del bijouterie Horlogerie "A la Renaissance" Mais j'em rappelle pu du nom d'el radio. Chéto Horizon ou Bruaysis, si vous pouvez m'rafraichir, merci.