souvenirs de Wingles
par christophe petitprez le, 04/10/2009salut vous z'otes !
J'su pas un ancien mineur mais j'ai passé toute em jeunesse tout près de l'fosse 7 à Winques (Wingles en bon français...). Ben ouais min grin père et m'grin mère y restotent su l'place centrale. Su c'te place en 1977 y z'ont tourné des scènes d'un film qui s'appelot "el' communion solennelle" (y'avot Nathalie Baye et Philippe Léotard qui jouautent e'din). J'min rappelle un tiot peu (j'avot 3 ans à l'époque)q'yavot bin du monte par rapport à d'habitute. Avec ches z'acteurs et ches figurants (ches mineurs d'el fosse 7, min grin père y feusot ch'figurant aussi) y n'avot des geins!!
J'ai passé des années à l'cacher ch'film là et pi aujourd'hui j'ai réussi à tomber d'ssus. J'vous raconte pas commint qu' j'étos content !
J'l'ai ravisé et là ch'a m'a fait quet quosse d'arvoir el belle place centrale comme y'a 30 ans (maintenant elle est pus comme cha, elle est toute moche !). Et pi d'arvoir aussi ech'carreau d'el fosse 7 qu'y'existe pus non pus ! J'avos m'z'yeux qui z'étottent tous mouillés tellemint qu'cha m'a rappellé des souvenirs de quin j'étot tout tiot...
E'm mère e'm'raconte auchi qui n'a fallu d'peu que j'chois d'in ch'film: ch'réalisateur y cachot après un tiot pour faire eune scène d'où qu'in pouvot l'vir d'in eune carette à quien. Alors y m'a vu et y'a dit: "c'est ch'tiot là qui m'faut !" Alors m'grin mère elle a répondu "attendez alors j'va laver un tiot peu" (j'étot tout crasseux et tout crotté tellemint que j'ouaut toudis dehors, et l'place centrale elle étot en schiste noir...). Alors ch'réalisateur y'a dit "non non justement ch'est tin mieux !". Alors m'grin mère elle m'a pris pour eum'mette din l'carette, mais y parait que j'ai posé un pied et qu'après j'eum sus mis à pleurer et j'ai pas voulu rintrer din l'carette. Alors du coup ch'est un aute tiot (moins sale ch'ti là mais ch'étot pas grafe!) qu'y'a pris m'plache din l'carette tirée par un quien.
A ch'momint là ch'z'avot pas que j'gaspillos el possibilité de devenir un grand acteur :-) !!!
Mais qu'est ce que ça m'a fait du bien de revoir la place centrale et la fosse 7 ! Tout ça, ça me manque un peu, et ça fait 12 ans que j'ai quitté Wingles. J'en ai fait des régions de France à cause de mon boulot. Les gens sont sympas, le paysage français et ses campagnes c'est joli, mais c'est pas pareil. Il me manque quelque chose... Peut-être parce que ch'ti un jour, ch'ti pour toujours ?