Les jardinsCh’marqué d’Hénin
par cartouche le, 05/10/2009Ch’marqué d’Hénin (copyright france)
l’mardi et l’vendredi y a ch’marqué à hénin
et dins chés allées in vot passer chés gins
chés marchands is cri’tent pour attirer
« is sont biaux mes porions is sont frais »
« v’nez ichi les vire les sintir et m’les acater
avec mi ch’est sur vous serez pas roulés
j’ai des fruits ed’saison vénant directemint
et sans intermédiaire d’ min tchiot gardin »
à côté y a un machand d’loques et d’fouffes
« eune robe un patalon ch’est ichi qu’in l’trouffe
ch’est que du biau que du bon et du pas quer
cha s’ démode pon venez vire y a des affaires »
pus long y a un cordéoneux qui jue un tango
i fait la manche pour pouvoir s’payer un pot
i a un marchand d’fromaches pis un boucher
eune tchiote fleuriste qui vind des bouquets
cha sint bon les fruits les fleurs et les épices
et dins toutes chés allées cha babèle in chti
y a cheux qui acatent et cheux qui raviss’tent
mais is sont tertous fin bénaches d’ête ichi
Bierlair René dit Cartouche
