ches boules à l'cité Darcy
par annie62110 le, 05/10/2009bon d'abord in va situer l'cité Darcy ! ch'est eune grande cité minière à l'sortie d'Hénin avant Drocourt d'un coté et Rouvroy d'l'autre
j'avos gramint d'famile à m' mére qui restot là, trois oncles trois tantes des cousins des cousines
et tous ché diminches ch'étot sacré i juotent aux boules avec ché voisins ! attintion pas des boules d'aristos luisantes et qu'in néttiot avec un chiffon !! nonnnnnn !! des grosses boules in bos cloutées et pindant qu'ché femmes al mettotent ch'bouillon à cuire ché zhommes i s'battotent amical'mint
je m'souviens qui zavotent un grand tableau pour marquer ché points ! et à midi tout ch'tiot monte i s'réunissot pour l'apéro hommes femmes et infants din eune imbiance comme in n'in trouffe que din ché mines !!
aujourd'hui cha minque tout cha mais ch'est des bons souv'nirs !!!