la coop

avant chéto un tout tchiot magasin pas loin d ailleurs du qui avot l ' quincaillerie Cadot, mais au début des années 70 , i zont déménagés et si j' me souviens bin cha a cangé d' gérant ach' momint là, et i s' sont installés in bas del rue Anatole France, chéto moderne, i yavo des caddies oh pas des grands comme in a vite connu aprés à mon Cora, mais ach' momint là chéto la révolution, vu qu'in avo toudis connu la coop d' eune facon traditionnelle, ché marchandisses derrière un comptoir, te d'mindo c'que té voulo et aprés te passo à la caisse au bout du comptoir, là i zavottent installés des caisses , ouais chéto eune révolution et aut' révolution j' me souviens ché qu'in a vu arriver ché boutel' d'io avec emballache plastique
y a eune chosse qu'ale éto toudis parel, aprés chaque achat te récupéro des timbes que té collo sur des feules espéciales données par la coop et en fin d année si t avo un certain nompe ed feules ed remplies bin t avo dro à un cadeau
mais cha a pas duré longtimps, Cora y s a installé à Labuissière, et ch' magasin coop y a vite arvenu un magasin d' dépannache et y a freumé ses portes rapid'mint

Mais i avot bien avant eun' coop bien pu haut intre ch'débit d'tabac à coté d'amon Daniel ch'traiteur et ch'marchand d'légumes qui avot avant, all tot ténue par Mme Plouviez, t'as pas dû connaît' Minloute.

Bonsoir
Suite à Minloute et Loumarcel. Y'avot un magasin COOP rue Jules Guesde in face del patisserie boulangerie KACZMAKEK. Ensuite is ont déménagé i sont allé al plache del fouillerie rue Jules Guesde à coté dech restaurant l'aouette chez Michel. Ch'magasin y'étot gramint plus grand. Qui ché quisse rappelle dech magasin DOCK du nord ? y'éto à côté d'un coiffeur et dech docteur Raoul rue Louis Dussart, à peu près in face del rue Paul Descamp . Din l'même rue (Paul Descamp) dinch virache avant l'rue Pantigny y'avot SOCOPAL, qui après avoir déménagé y'éto installé in bas del rue d'la République à proximité dech café débit d'toubac. In face i reste les vestiches d'un aute magasin, in face d'lintrée des impots. L'mason al est délabrée. j'em rappelle pu dech nom dech chti là. J'em rappelle bon nompe ed magasins d'Bruay. Ché bon d'écanger nos souvenirs. Sans braire bin sur mais pour s'rappeler qu'à Bruay (comme din toutes ché villes minières) y'avot quand même ed quoi faire.
Adé mes gins.