décés dans la famille

ch' matin al' mason branle bat d' combat, ch' cochon d inte i éto sul' flanc , j y a dit à grand mere quand ché mi qui est sul' flanc such' canapé in dit rin
l' tchiotte ale éto à peine contrarié, faut dire que cha avo comminché hier soir à tape, odilon ch' cochon d inte i faiso djà l' tronche, alors grand mère ale dit al' tchiotte , t as vu i va créver , et l' tchiotte ale dit bin ché rin ché ti qui l avo ker , ah j a sinti que tout l'monte i s'dérobo, a la fin chéto presque mi qui éto chti qui l avo ker l' plus et pourtant j' peux pont l' sintir , cha sert à rin , cha bouffe et cha chie, comme ti qu ale dit grand mère , print cha dins tes loupes .....
bon ch' matin i faijo eune sale tronche ch' cochon d inte, grand mère ale dit "bon y est mort, nan i bouche cor , bon in verra cha taleure" maline grand mère taleure chéto pas tout d'suite , pasqu ale allo aprés avec s' mère acater ch' cadeau d'niversaire al' tchiotte , donc qui ché qui est resté chi ché tchiens ché cats ch' pichon et l' cochon d inte qui tourno d' l eule, bin j avo bio faire l'tour del mason , j éto tout seu
donc vers 11h j a été vire, i été crévé , l eule vite , un peu comme chti d' grand mère quand qu ale ravisse derrique , savez , aucune expression ; bon j a pris eune pelle et eune balayette et j allo met' ch' cochin d inte sul balayette pour l' pousser sul' pelle, bin vingt noms i éto bin gras chtilale, vous m auriez vu , j a du aller arquerre eune deuxieme pelle pi faire comme eune pince pour printe odilon et l' met' dinch' sac poubelle ....rigolez mais j avo djà horreur ed li quand qui vivo alors imaginez quand qui éto raite, l' paquet d' sentimints que j avo pour li
grand mère ale est pas cor arvénu, mais ale va dire in rintrant "et odilon" mi j va dire "bin y est dins l' poubelle" et ale va dire nan pas "merci mon amour que t a fait un traval extraordinaire que j avo pas invie d'faire " nan ale va dire "bin ! t in a pas profiter pour vider l' cage ..."