l'état des routes
par Boxerman le, 15/11/2009Bonjour mes gins,
Ché min coup d'gueule
Vous allez m'dire Boxerman té comminches bin t'journée, t'as pas du printe tes gouttes ech matin, enfin j'voulos l'dire. Hier ch'sus arvénu d'La Bassée. J'ai pris l' D86 qui ar'lie Fouquereul à Haillicourt (l'ancienne route du gros tilleul pour cheux qui connaich'tent). I étot inviron 18h00, i faijot noir et i pleuvot. Ch'peux vous dire qu'el route est horripe. In vot minme pu ché lines blanques au sol. Ché inadmissipe pour un' route qu'est gramin fréquentée. Vous m'impéch'rez pas d'pinser que ch' ti la qui fait poser des stops à chaque rues d'ché carrefours i dot y trouver s'n'intêrêt. Par conte, i frot mieux d'ête un peu plus d'insse carrette et d' vire quo qui va point sur ché axes routiers et assurer ainsi note sécurité.
Voilà ché dit, j'peux aller m'arcouquer
Bin Boxerman, cha fait pu d'cinquant ans qu'j'avos pon intindu parlé de "ch'gros tillu", j'passos souvint à côté quand j'allos d'Hesdigneul vers Vaudricourt. I a disparu achteure je n'sais pon in quelle année in jour j'arpassos par là et i y avot pus que l'maison, ch'gos tillu i avot disparu, j'sais pas du tout quel ach' i pouvot avoir. J'y pinse toudis quand j'passe par là mais cha fait presque tros ans qu'in n'est pas ar'monté.
Bonsoir mes gins
Pour réponte à Loumarcel. Ch'gros tilleul y'a été copé quand y z'ont élargis l'route qui arlit Haillicourt à Béthune. Sur el majon qui reste et qu'étot habrité par justemint "un gros tilleuil" y'a l'panneau "route du gros tilleul". Chétot un' point d'situation comme ech pont des imbéciles à Haillicourt. Mi ch'am rappelle un grand souvenir. J'ai perdu min capuchon avec un'garnoulle din z'in' voyette à proximité d'éch gros tilleul... Souvenir... Souvenir..