acoute - ichti l' blog
par minloute le, 15/11/2009nous sommes heureux Marie Claire et mi, d'vous incourager à aller vire un nouviau blog acoute-ichti , que Marie Claire al' n a djà parlé in tchiot peu in d'sous dans in aut' sujet
ché gins qui sont such' nouviau blog ché nin d'zinconnus pour nous, in éto sul' meme site y a un peu plus d' 4 années, et aprés nous , ché à eux d' partir ed leu propes zailes et d' faire un site personnel, à leur imache
quand j a dis qui a fallu plus d' 4 années pour s involer , normal, ché pas des jeunots , nan j' diro presque que ché eune mason d artraités, donc, si vous déposez un messache chez eux ou si vous participez aux forums (in lisant bin l' charte auparavant et d' pas écrire des chosses qui pourrotent nuire à quéqu ' un bin sur) attindez pas eune réponse avant eune quinzaine ed' jours, savez l' temps d aller et v'nir dech' fauteule roulant al' caielle perchée ..... pi faut parler fort , i sont tous un tchiot peu sourds (l'pire ché l'dénommé batisse , chtilale faites zy pas confiance ché nin un boyo rouche , y est du 59 et cor pas loin del ' frontiere .....
nan sérieus'mint ché à aller vire, ché differint d' nous , mais faut del différence, y a pas d' concurrence , pasqu in a l' meme but : faire arviffe not' patois, nos régions, pi aussi viffe aujourd hui avec ech' patois
donc in vous invite , nan in vous arcommande d aller les raviser aussi, sans oublier l' blog d André de Marles, qui li est plus à présenter
donc oubliez pas l' plus zimportant l' blog ché acoute-ichti et surtout mefiez vous de chti qui s appelle batisse ...j' dis cha ché pour vot' bien ...